گوگل نیوز پر ہمیں فالو کریںاسلام آباد: وزیراعظم عمران خان کا کہنا ہے کہ موثر اور متحرک بلدیاتی نظام قومی ترقی کا ضامن ہے۔
پنجاب میں آئندہ بلدیاتی انتخابات کے حوالے سے اسلام آباد میں ایک اجلاس کی صدارت کرتے ہوئے انہوں نے کہا کہ موثر بلدیاتی نظام کے ذریعے لوگوں کے زیادہ تر مسائل ان کی دہلیز پر حل کیے جا سکتے ہیں۔
وزیراعظم نے کہا کہ بلدیاتی نظام کا مقصد نچلی سطح پر اختیارات کی منتقلی ہے۔ اور اس کی کامیابی کے لیے معاشرے کے ہر طبقے بالخصوص خواتین، نوجوانوں، کسانوں اور تاجروں کو اس میں یکساں نمائندگی حاصل ہونی چاہیے۔
اس سے قبل وزیراعظم عمران خان نے پاکستان تحریک انصاف کے منتخب نمائندوں پر زور دیا تھا کہ وہ آئندہ بلدیاتی انتخابات سے قبل عوامی رابطوں اور مہم کو تیز کریں۔
وزیراعلیٰ خیبرپختونخوا اور پی ٹی آئی کے اراکین قومی و صوبائی اسمبلی سے ملاقات میں وزیراعظم نے پارٹی کارکنوں کو قبل از انتخابات مہم کو تیز کرنے کے لیے متحرک کرنے پر زور دیا۔ ملاقات میں صوبے کی مجموعی سیاسی صورتحال، جاری ترقیاتی سکیموں اور صوبے میں پارٹی تنظیم سازی سے متعلق امور پر تبادلہ خیال کیا گیا۔
مزید پڑھیں: پوری قوم سیکورٹی فورسز کی پشت پر متحد اور یکجا کھڑی ہے، وزیراعظم
