ہتک عزت مقدمہ، جانی ڈیپ کی وکیل کو پروموشن مل گیا

امریکہ کے مشہورومعروف اداکار جانی ڈیپ کے سابقہ اہلیہ کیخلاف ہتک عزت کا مقدمہ جیتنے کے بعد اُن کی وکیل کمیل واسکیز کو پروموشن مل گیا۔

غیرملکی میڈیا کی رپورٹ کے مطابق، جانی ڈیپ نے اپنی وکیل کو پروموشن ملنے پر خوشی کا اظہار کیا ہے۔

رپورٹ کے مطابق ’اداکار کی وکیل کمیل واسکیز جس لاء فرم میں کام کرتی ہیں، اب اُنہیں پروموشن دے کر اسی فرم میں پارٹنر بنا دیا گیا ہے۔

یہ بھی پڑھیں: انتیا پانڈے کی نیم عریاں لباس میں ڈانس کرنے کی ویڈیو وائرل

کمیل واسکیز نے اپنی پروموشن پر کہا کہ’مجھے اس بات کی خوشی ہے کہ لاء فرم کا پارٹنر بنانے کے لیے براؤن روڈنک نے میری حمایت میں اپنا اعتماد کا ووٹ دیا۔‘

خیال رہے کہ کمیل واسکیز نے 2018 میں لاء فرم براؤن روڈنک کے’اورنج کاؤنٹی‘ آفس کو بطور ایسوسی ایٹ، لیٹیگیشن اور آربیٹریشن کی پریکٹس کرنے کے لیے جوائن کیا تھا۔

اس سے پہلے براؤن روڈنک کے چیئرمین اور چیف ایگزیکٹو، ولیم بالڈیگا نے کمیل واسکیز کو بطور پارٹنر خوش آمدید بھی کہا ہے۔