سینماؤں کو چھوٹ دینے پر مفتی تقی عثمانی کی حکومت پر شدید تنقید

بجٹ میں سینماؤں کو ٹیکس چھوٹ اور فلمسازوں کو رعایتیں دینے پر ممتاز عالم دین مولانا مفتی تقی عثمانی نے اتحادی حکومت پر شدید تنقید کی ہے۔

سماجی رابطوں کی ویب سائٹ ٹوئٹر پر اپنے تصدیق شدہ ہینڈل سے وفاق المدارس العربیہ کے مرکزی صدر ممتاز عالم دین مولانا مفتی تقی عثمانی نے بجٹ پر اپنے رد عمل کا اظہار کیا ہے۔ اپنی ٹوئٹ میں انہوں نے سینماؤں کو ٹیکس چھوٹ دینے کو موجودہ معاشی مشکلات کے تقاضوں کے منافی قرار دیا ہے۔

بجٹ پر اپنی ٹوئٹ میں مفتی تقی عثمانی نے لکھا کہ معاشی مشکلات کے اس وقت میں جب عوام بنیادی ضروریات کو ترس رہے ہیں، افسوس ہے کہ بجٹ میں نئے سینماؤں کے فروغ کیلئے ٹیکس کی چھوٹ دی جا رہی ہے۔

معاشی مشکلات کے اس وقت میں جب عوام بنیادی ضروریات کو ترس رہے ہیں افسوس ہے کہ بجٹ میں نئے سنیماؤںں کے فروغ کے لئے ٹیکس کی چھوٹ دی جارہی ہے دوسری طرف بجٹ میں سودی نظام سے چھٹکارے کے لئے کسی ابتدائی قدم کا بھی کوئی ذکر نہیں اناللہ واناالیہ راجعون

— Muhammad Taqi Usmani (@muftitaqiusmani) June 11, 2022

مفتی تقی عثمانی نے بجٹ میں عدالتی فیصلے کی روشنی میں سودی نظام کے متعلق کوئی اقدام نہ ہونے پر بھی افسوس کا اظہار کیا اور لکھا کہ بجٹ میں سودی نظام سے چھٹکارے کیلئے کسی ابتدائی قدم کا بھی کوئی ذکر نہیں۔ انا للہ و انا الیہ راجعون۔