اکشے کمار فلم ’کیپسول گل‘ کی شوٹنگ کاآغاز جولائی میں کرینگے

بالی ووڈ انڈسٹری کے سینیئر و معروف اداکار اکشے کمار فلم ’کیپسول گل‘ کی شوٹنگ کا آغاز جولائی میں کرینگے۔

چیف مائننگ انجینئر جسونت سنگھ گل پر مبنی فلم ’کیپسول گل‘ اگلے ماہ ریلیز ہوگی، جس میں پرینیتی چوپڑا بھی ہیں۔ اکشے کمار اور پرینیتی چوپڑا کے علاوہ کمود شرما، روی کشن، اور دبیندو بھٹا چاریہ سمیت دیگر نے فلم میں اہم کردار ادا کیے ہیں۔

ذرائع کا فلم کے بارے میں کہنا ہے کہ فلم میں پرینیتی چوپڑا اکشے کمار کی بیوی کا کردار ادا کر رہی ہیں، اور وہ فلم کے رائے گڑھ شیڈول میں اکشے کے ساتھ شامل ہوں گی، فلم میں اُن کا کردار چھوٹا ہے لیکن مضبوط ہے۔

یہ بھی پڑھیں:

کیا عالیہ بھٹ کے ماں بننے کی خبر جھوٹی ہے؟

فلم کی پری پروڈکشن اور سبھی کچھ مکمل ہوچکی ہے اور ٹیم شوٹنگ کیلئے 29 جون کو برطانیہ جائے گی تاکہ 4 جولائی سے فلم کی شوٹنگ کا آغاز کرسکے۔

واضح رہے کہ اداکار اکشے کمار 31 جولائی تک فلم کی شوٹنگ جاری رکھیں گے بعدازاں درمیان میں اپنی دوسری فلم رکشا بندھن کی وجہ سے تھوڑا سا وقفہ لینگے اور ستمبر میں دوبارہ سے فلم کی شوٹنگ کا آغاز کرینگے۔

یہ بھی پڑھیں:

معروف اداکار بلال عباس دولہا بن گئے، مداح حیران

خیال رہے کہ فلم کیپسول گل 1989 میں کوئلے کی کان میں ہونے والی تباہی کے بارے میں بتایا جائے گا،جہاں چیف انجینئر جسونت سنگھ گل نے 60 سے زیادہ لوگوں کی جانیں بچائی تھیں۔ مذکورہ اداکاروں کے علاوہ اننت مہادیون، ورون بدولا، اور راجیش شرما سمیت دیگر بھی اسٹار کاسٹ کا حصہ ہوں گے۔