گوگل نیوز پر ہمیں فالو کریںبالی ووڈ فلم انڈسٹری کی مقبول و معروف جوڑی عالیہ بھٹ اور رنبیر کپور کے گھر بہت جلد ننھے مہمان کی آمد متوقع ہے۔
حال ہی میں اداکارہ عالیہ بھٹ نے اپنے انسٹاگرام اکاؤنٹ پر مداحوں کے ساتھ سی ٹی اسکین کی تصویر شیئر کرکے یہ انکشاف کیا کہ وہ حاملہ ہیں۔
اداکارہ کی جانب سے اس خوشخبری کے سناتے ہی اُن کے دوست احباب اور مداحوں کی جانب سے انھیں مبارکباد دی جارہی ہیں۔
دوسری جانب کچھ سوشل میڈیا صارفین یہ دعویٰ کررہے ہیں کہ یہ خبر جھوٹی ہے اور یہ سب کچھ فلم براہماسٹرا کی تشہیر کیلئے کیا جارہا ہے، ایک سوشل میڈیا صارف نے دعویٰ کیا کہ وہ 100 فیصد اس بات سے متفق ہیں کہ یہ سب کچھ فلم کی تشہیر کیلئے کیا جارہا ہے۔
معروف اداکار بلال عباس دولہا بن گئے، مداح حیران
خیال رہے کہ اِس بارے میں کچھ بھی کہنا قبل ازوقت ہوگا کیونکہ یہ صرف سوشل میڈیا صارفین کا ایک خیال ہے جبکہ حقیقت میں عالیہ بھٹ اور رنبیر کپور کے اہلخانہ کی جانب سے انھیں اِس خبر کے بعد مبارکباد دی جارہی ہیں۔
واضح رہے کہ دونوں اداکاروں کے درمیان تعلقات کا آغاز 2017 میں ہوا تھا بعدازاں انہوں نے عوام میں اِس بات کا اعتراف 2018 میں کیا تھا۔
