گوگل نیوز پر ہمیں فالو کریںکراچی: دعا زہرا کیس میں بڑی پیش رفت ہوئی ہے، سندھ ہائی کورٹ نے دعا زہرا کو دارالامان کراچی منتقل کرنے کی منظوری دیدی۔
تفصیلات کے مطابق سندھ پولیس نے دعا زہرا کے شوہر ظہیر احمد کو عدالت میں پیش کیا جہاں جسٹس اقبال کلہوڑو کی سربراہی میں دو رکنی بینچ نے درخواست پر سماعت کی۔
دورانِ سماعت جسٹس اقبال کلہوڑو نے کہا کہ لڑکی کو تو ہر صورت کراچی لانا ہے، جرم کراچی میں ہوا ہے توکیس کی سماعت بھی کراچی میں ہوگی، کیس اسی شہر میں زیر التوا ہے، کراچی میں بھی شیلٹر ہوم ہیں، کراچی میں بھی لڑکی کو کوئی خطرہ نہیں ہوگا، کراچی کے شیلٹرہوم میں بھی حفاظتی انتظامات ہوں گے، اس لیے کیس کراچی میں ہے تو لڑکی کو بھی کراچی لانا ہوگا جب کہ لڑکی کے والدین بھی کراچی میں رہتے ہیں۔
دورانِ سماعت عدالت نے ملزم ظہیر کے وکیل سے پوچھا کہ آپ چاہتے ہیں کہ لڑکی کو کراچی منتقل نہیں کیا جائے؟ اِس پر ملزم کے وکیل نے کہا کہ لڑکی کوکراچی منتقل نہیں کیا جاسکتا، لڑکی اگرکسی سے نہ ملنا چاہے توبھی کوئی اس سے نہیں مل سکتا، عدالت بھی چاہے تو لڑکی سے ملنے کا نہیں کہہ سکتی۔
راولپنڈی پولیس کا سرچ آپریشن، 8 ملزمان گرفتار، اسلحہ برآمد
