روپے کی قدر میں کمی کا تسلسل جاری

روپیہ امریکی ڈالر کے مقابلے میں نئے ریکارڈ بنا رہا ہے کیونکہ موجودہ ہفتے میں پاکستانی کرنسی کی کی قدر ڈالر کے مقابلے میں 225 روپے سے زیادہ ہوگئی ہے۔ مسلم لیگ (ن) کی زیر قیادت وفاقی حکومت کی معاشی پالیسیوں پر مارکیٹ کا اعتماد نہ ہونا اور پنجاب کے ضمنی انتخابات میں پی ٹی آئی کی حالیہ کامیابی نے سیاسی بے یقینی کی نئی لہر کو جنم دیا ہے۔ یہ افسوسناک ہے کیونکہ ایک ماہ قبل ہی روپے نے اب تک کی کم ترین سطح کو چھونے کے بعد صرف ریباؤنڈ کرنا شروع کیا تھا۔

سرمایہ کاروں کو استحکام پسند ہے، لیکن کچھ خراب کرنٹ اکاؤنٹ اور ادائیگیوں کے توازن نے گزشتہ ہفتے سے کرنسی کو نیچے دھکیلنا شروع کر دیا تھا، یہاں تک کہ انتخابات سے پہلے بھی یہی صورتحال تھی۔ یہ بات قابل غور ہے کہ کچھ رپورٹس یہ بھی بتاتی ہیں کہ آئی ایم ایف بھی قرض کے پروگرام کے بارے میں دو بار سوچ رہا ہے، کیونکہ وہ اسی حکومت کو فنڈز جاری کرنے کو ترجیح دے گا جس کے ساتھ اس نے اپنا تازہ ترین معاہدہ کیا تھا۔

دیکھا جائے تو صوبائی ضمنی انتخابات کا اسلام آباد پر براہ راست اثر نہیں پڑتا، اس کے نتیجے کو مسلم لیگ (ن) کی پالیسیوں کو مسترد کرنے کے طور پر دیکھا جا رہا ہے، اور یہ چیزیں وزیر اعظم شہباز شریف کے ذہن پر بھی اثر ڈال رہی ہیں، کیونکہ ان کے بیٹے کے بطور وزیر اعلیٰ ایسا لگتا ہے کہ ان کی وزیر اعلیٰ کی کرسی کسی بھی وقت چلے جائے گی۔

ضمنی انتخاب کے نتائج نے پی ٹی آئی کے فوری انتخابات کے مطالبات کو بھی نئی زندگی بخشی ہے، جس کا اثر اسلام آباد میں استحکام کے بارے میں سرمایہ کاروں کے تاثرات پر پڑتا ہے۔ یاد رہے کہ 2018 میں چارج سنبھالنے کے بعد، پی ٹی آئی نے ن لیگ کی سابقہ حکومت کو اپنی ناقص معاشی کارکردگی کا ذمہ دار ٹھہرایا تھا۔ وہ معیشت جو مسلم لیگ (ن) کو ورثے میں ملی تھی اور جو اگلی حکومت کو وراثت میں ملے گی اگر قبل از وقت انتخابات کرائے گئے تومعیشت اس سے کہیں زیادہ خراب ہوگی۔

یہ دیکھتے ہوئے کہ پی ٹی آئی کے کچھ ماہرین سمیت زیادہ تر ماہرین اقتصادیات اس بات کو تسلیم کرتے ہیں کہ وزیر خزانہ مفتاح اسماعیل کے فیصلے سخت لیکن ضروری ہیں،اور اگر آئندہ پی ٹی آئی کی حکومت بن جاتی ہے تو شاید یہ پی ٹی آئی کے بہترین مفاد میں ہوگا، اور اگلی حکومت کے لیے کام آسان ہو جائے گا۔