بھارتی کامیڈین راجو شری کی حالت تشویشناک، وینٹی لیٹر پر منتقل

بھارت کے مشہور و معروف اسٹینڈ اپ کامیڈین و اداکار راجو شری واستو کی طبیعت بگڑ گئی جس کے بعدا نھیں اسپتال منتقل کردیا گیا۔

بھارتی میڈیا رپورٹس کے مطابق راجو شری واستو جم میں ٹریڈ مل پر ورزش کررہے تھے کہ انہیں سینے میں درد ہوا اور وہ گرپڑے جس کے بعد اداکار کو اسپتال لے جایا گیا۔

ڈاکٹرز کی جانب سے دیے گئے حالیہ بیان میں بتایا گیا ہے کہ کامیڈین راجو کی طبیعت سنبھل نہیں رہی ہے جس کی وجہ سے انہیں وینٹی لیٹر پر منتقل کردیا گیا ہے۔

ڈاکٹرز کا کہنا ہے کہ اداکار کی جان خطرے میں ہے اور ان کا علاج جاری ہے۔

یہ بھی پڑھیں:

فلم کی شوٹنگ کے دوران شلپا شیٹی کی ٹانگ ٹوٹ گئی

واضح رہے کہ راجو شری واستو بھارت کے مقبول اسٹینڈ اپ کامیڈینز میں سے ایک ہیں، وہ 1980 سے انٹرٹینمنٹ انڈسٹری سے منسلک ہیں۔

اداکار کو بین الاقوامی شناخت اسٹینڈ اپ کامیڈی شو ’دی گریٹ انڈین لافٹر چیلنج ‘ کے پہلے شو سے ملی اور انہوں نے کئی فلموں میں بھی اداکاری کے جوہر دکھائے ہیں۔