گوگل نیوز پر ہمیں فالو کریںکراچی: دنیا کی سب سے کم عمر نوبل انعام یافتہ ملالہ یوسفزئی نے جمعرات کو اپنے آبائی شہر میں اسکول کے بچوں سے بھری وین پر دہشت گردوں کے حملے کی مذمت کی اور اپنا احتجاج ریکارڈ کرایا۔
ملالہ نے ٹوئٹر پر جاری کردہ اپنی پوسٹ میں لکھا کہ ”میں سوات میں امن کے لیے احتجاج کرنے والے ہزاروں لوگوں میں اپنی آواز شامل کرتی ہوں۔ بچوں سے بھری اسکول بس پر حملہ ایک خوفناک عمل ہے کہ ہمارے لوگوں کو خوف اور دہشت گردی کی زندگیوں میں واپس مجبور نہیں کیا جانا چاہیے،“۔
پاکستان کے شمال مغربی علاقے میں ایک مسلح شخص کی جانب سے اسکول وین پر فائرنگ کے بعد احتجاجی مظاہروں نے وادی کو اپنی لپیٹ میں لے لیا ہے۔ واضح رہے کہ حملے کے نتیجے میں بس کا ڈرائیور کچھ ہی دیر بعد گولی لگنے سے جاں بحق ہو گیا جبکہ فائرنگ سے ایک بچہ بھی شدید زخمی ہو گیا۔
وادی سوات کے اس علاقے سے عسکریت پسندوں کو نکال باہر کرنے کے لیے 2009 میں ایک ماہ تک پاک فوج کی جانب سے آپریشن کیا گیا تھا۔
مزید پڑھیں:سوات اسکول وین حملہ، 10 سال بعد ایک اور طالب علم فائرنگ سے زخمی
ملالہ اس وقت پاکستان کا دورہ کر رہی ہیں اور ان کی تنظیم، ملالہ فنڈ کے ایک بیان کے مطابق، ان کے دورے کا مقصد بین الاقوامی توجہ پاکستان میں سیلاب کے اثرات پر مرکوز کرنے اور انسانی امداد کی ضرورت کو تقویت دینا ہے۔
