گوگل نیوز پر ہمیں فالو کریںبھارتی ٹینس اسٹار ثانیہ مرزا اور پاکستانی کرکٹر شعیب ملک کی نئی تصاویر اور ویڈیوز وائرل ہونے کے بعد طلاق کی افواہیں دم توڑ گئیں۔
دونوں کی طلاق کی افواہیں کئی دنوں سے وائرل تھیں اور بھارتی میڈیا نے متعدد ذرائع کا حوالہ دیتے ہوئے 10 نومبر کو دعویٰ کیا تھا کہ دونوں نے علیحدگی کا فیصلہ کرلیا۔
View this post on Instagram
طلاق کی خبروں کے درمیان ہی ان کے آنے والے شو ’دی مرزا ملک شو‘ کا اعلان کیا گیا اور شعیب ملک نے چند دن قبل اہلیہ کو جنم دن کی مبارک باد بھی دی تھی۔
دونوں اسٹارز کے آنے والی شو کی ریکارڈنگ کے دوران بنائی گئی مختصر ویڈیوز اور تصاویر وائرل ہونے کے بعد ان کی طلاق کی افواہیں دم توڑ گئیں اور دونوں کو ایک ساتھ خوشگوار موڈ میں دیکھ کر ان کے مداحوں نے سکھ کا سانس لیا ہے۔
View this post on Instagram
ثانیہ مرزا اور شعیب ملک کی ’دی مرزا ملک شو‘ کے سیٹ پر بنائی گئی ایک مختصر ویڈیو میں ان کے ہمراہ اداکار فہد مصطفیٰ کو دیکھا جا سکتا ہے، مختصر ویڈیو کو اردو فلکس نے انسٹاگرام پر شیئر کیا ہے۔
شو ریکارڈنگ کی بعض تصاویر بھی وائرل ہوئیں جن میں سے ایک تصویر میں دونوں کو فہد مصطفیٰ،عدنان صدیقی اور ہمایوں سعید کے سیٹ پر خوشگوار موڈ میں دیکھا جا سکتا ہے۔
