گوگل نیوز پر ہمیں فالو کریںاسلام آباد: الیکشن کمیشن پاکستان نے کہا ہے کہ ملک میں عام انتخابات 90 دن میں نہیں کرائے جا سکتے کیونکہ حلقہ بندیوں کے عمل میں کم از کم چار ماہ لگیں گے۔
چیف الیکشن کمشنر سکندر سلطان راجہ کی زیر صدارت الیکشن کمیشن کے اجلاس میں ملک بھر میں نئی حلقہ بندیوں کا فیصلہ کیا گیا۔
الیکشن کمیشن نے فیصلہ کیا کہ قومی اور صوبائی اسمبلیوں کے انتخابات نئی حلقہ بندیوں کے تحت کرائے جائیں گے۔
الیکشن کمیشن نے نئی حلقہ بندیوں سے متعلق اجلاس کا نوٹیفکیشن جاری کر دیا ہے۔ جبکہ کمیشن نے نئی حد بندی کے شیڈول کا بھی اعلان کیا۔
الیکشن کمیشن نے اعلان کیا کہ حلقہ بندیوں کا عمل تقریباً چار ماہ میں مکمل ہو جائے گا، اس لیے عام انتخابات 90 دنوں میں نہیں ہوں گے۔
مزید پڑھیں:نگراں وفاقی کابینہ نے حلف اُٹھالیا
الیکشن کمیشن نے ساتویں قومی مردم شماری کے مطابق نئی حلقہ بندیوں کی منظوری دے دی۔ جبکہ صوبائی حکومتوں اور پاکستان بیورو آف شماریات سے مدد طلب کی ہے۔
