گوگل نیوز پر ہمیں فالو کریںزمین پر کھڑے بے قابو ہیلی کاپٹر نے باہر کھڑے پائلٹ کو چکرا کر رکھ دیا۔
ایکس پر ایوی ایشن نیوز اینڈ ویڈیوز نامی اکاؤنٹ نے ایک عجیب و غریب ویڈیو پوسٹ کی ہے، جس میں دیکھا جاسکتا ہے کہ وسطی امریکا کے ملک پاناما میں زمین پر کھڑا ہیلی کاپٹر بغیر پائلٹ کے گھومنا شروع ہوگیا۔ اس دوران پہلے تو پائلٹ اسے ہاتھوں سے روکنے کی کوشش کرتا رہا اور پھر ناکامی پر اس میں داخل ہونے کی کوششیں کرتا رہا۔
Pilot battles to save his helicopter in Panama ????✈️ pic.twitter.com/2mvaZyma8W
— Breaking Aviation News & Videos (@aviationbrk) December 18, 2023
ویڈیو میں دیکھا جا سکتا ہے کہ واقعہ اس وقت پیش آیا جب پائلٹ ہیلی کاپٹر سے نکل کر باہر کھڑا ہوا۔ اس دوران ایک خاتون ہیلی کاپٹر سے جیسے ہی باہر آئیں تو وہ اچانک خود بخود گھومنا شروع ہوگیا اور رفتہ رفتہ پھرکی کی طرح تیز تر گھومنے لگا۔
خاتون ہیلی کاپٹر سے تو بال بال بچ کر اپنی جان بچانے میں کامیاب ہوگئیں اور فوری طور پر دوڑ لگاکر جائے وقوع سے چلی گئیں تاہم پائلٹ بڑی کوششوں کے بعد بدکے ہوئے ہیلی کاپٹر کو قابو کرنے میں کامیاب ہوگیا۔
