گوگل نیوز پر ہمیں فالو کریںاسلام آباد: وفاقی حکومت نے سوشل میڈیا پر اداروں کے خلاف مہم کے خلاف 5رکنی جے آئی ٹی بنا دی ہے۔ جوائنٹ انوسٹی گیشن ٹیم کی تشکیل کا نوٹیفکیشن بھی جاری کردیا گیا۔
تفصیلات کے مطابق وزیراعظم شہباز شریف نے سوشل میڈیا پر اداروں کے خلاف ہرزہ سرائی کی تحقیقات کیلئے کمیٹی کی تشکیل کی منظوری دی۔ وفاقی حکومت نے باضابطہ نوٹیفکیشن جاری کردیا ہے جس کا عکس سامنے آگیا۔
آئی جی اسلام آباد سوشل میڈیا کے متعلق جے آئی ٹی کے سربراہ ہیں جبکہ ڈائریکٹر ایف آئی اے سائبر کرائم، ڈائریکٹر سی ٹی ڈبلیو، ڈی آئی جی اسلام آباد اور ایس ایس پی سی ٹی ڈی کو بھی کمیٹی کا رکن بنایا گیا ہے۔
رکن پنجاب اسمبلی حنا پرویز بٹ نے جے آئی ٹی کی تشکیل کو اداروں کے خلاف مہم چلانے والوں کیلئے بری خبر قرار دیتے ہوئے کہا کہ اب پانچ رکنی جے آئی ٹی قائم ہوگئی۔ اداروں کے خلاف ہرزہ سرائی کرنے والوں کے خلاف سخت ایکشن لیا جائے گا۔
اداروں کیخلاف مہم چلانے والوں کیلئے بری خبر اور وارننگ، اب پانچ رکنی جے آئی ٹی قائم ہوگئی، اداروں کےخلاف ہرزا سرائی کرنے والوں کےخلاف سخت ترین ایکشن لیا جائے گا۔ نوجوانوں کو ایک فتنہ پارٹی کے پیچھے لگ کر اپنا مستقبل خراب نہیں کرنا چاہئے، یہ ادارے ہمارے ہیں، ان اداروں کے باعث ہی… pic.twitter.com/YugHu3VY5X
— Hina Parvez Butt (@hinaparvezbutt) July 27, 2024
صوبائی اسمبلی کی رکن حنا پرویز بٹ نے کہا کہ نوجوانوں کو ایک فتنہ پارٹی کے پیچھے لگ کر اپنا مستقبل خراب نہیں کرنا چاہئے۔ یہ ادارے ہمارے ہیں۔ ان اداروں کے باعث ہی ملک کی سلامتی قائم ہے۔ خدارا کچھ عقل سے کام لیں۔
