سرکاری افسران کی تنخواہ میں اضافہ، انکم ٹیکس کی کٹوتی بھی شروع

حوصلہ افزا طور پر سرکاری افسر نے بتایا کہ تنخواہوں میں 20 فیصد اضافے سے قبل ان کی گراس تنخواہ 5 لاکھ 26ہزار 279روپے تھی جو  بڑھ کر 5 لاکھ 69 ہزار 519 روپے ہوگئی اور تنخواہ میں ماہانہ 43ہزار 240 روپے کا اضافہ ہوا۔

تاہم تشویشناک طور پر پہلے مذکورہ سرکاری افسر کی تنخواہ پر ماہانہ انکم ٹیکس 77 ہزار روپے کی کٹوتی ہوتی تھی مگر اب نئی شرح سے ان کی تنخواہ سے انکم ٹیکس کی کٹوتی ایک لاکھ 20 ہزار 512 روپے کی گئی جس نے تنخواہ کم کردی۔

بھاری بھرکم ٹیکس کٹوتی کے بعد ان کی تنخواہ میں ماہانہ اضافہ 43 ہزار 240 روپے کے مقابلے میں 43 ہزار 512 روپے زیادہ انکم ٹیکس کٹوتی ہوتی ہے جس وجہ سے موجودہ تنخواہ گزشتہ تنخواہ کے مقابلے میں 272 روپے تک کم ہوگئی۔