گوگل نیوز پر ہمیں فالو کریںمعروف اداکارہ نمرہ خان کے اغوا کی کوشش کے بعد واقعے کی سی سی ٹی وی فوٹیج سامنے آگئی ہے جبکہ سندھ پولیس بھی متحرک ہوگئی۔
مشہورومعروف اداکارہ نمرہ خان کے بیان کے مطابق ان کو کراچی کے علاقے ڈیفنس سے اغوا کرنے کی کوشش کی گئی، جو ناکام رہی، تاہم مسلح افراد ان کو گولی مار سکتے تھے۔ اداکارہ کے اغوا کی ناکام کوشش کی سی سی ٹی وی فوٹیج سے واقعے کی تصدیق ہوگئی۔
سی سی ٹی وی فوٹیج میں دیکھا جاسکتا ہے کہ اداکارہ سڑک کے کنارے اپنی گاڑی کا انتظار کر رہی ہیں، اسی دوران ان کے اغوا کی ناکام کوشش کی جاتی ہے۔ پولیس کا کہنا ہے کہ اغوا کی کوشش کا یہ واقعہ 11 اگست کی شام 7 بج کر 21 منٹ پر پیش آیا تھا۔
فوٹیج میں دیکھا جاسکتا ہے کہ اداکارہ نمرہ خان کے قریب ایک موٹر سائیکل آ کر رُکی، بعد ازاں اداکارہ سڑک کنارے چلتی ہوئی نظر آتی ہیں۔ چند منٹ بعد ایک گاڑی سڑک پر آ کر رک جاتی ہے کیونکہ اداکارہ گاڑی کو رُکنے کا اشارہ کرتی ہیں، موٹر سائیکل سوار فرار ہوجاتے ہیں۔
Nimra Khan has bravely shared her harrowing experience of a kidnapping attempt in Defense Phase 8, Karachi. According to her police statement, a man on a motorcycle misbehaved towards her near a hotel parking lot, but she fought back and escaped. #NimraKhan pic.twitter.com/IwArdKXyCI
— MediaSpring PK (@MediaSpringPk) August 13, 2024
ویڈیو سے پتہ چلتا ہے کہ موٹر سائیکل سوار مبینہ طور پر اداکارہ نمرہ خان کو اغوا کرنا چاہتے تھے، تاہم اداکارہ کی جانب سے فوری طور پر سرینڈر نہ کرنے اور گاڑی کو رکنے کا اشارہ کرنے پر موٹر سائیکل سوار فوری طور پر بھاگ جاتے ہیں۔ واقعے کی مزید تفتیش جاری ہے۔
