گوگل نیوز پر ہمیں فالو کریںاسرائیلی فوج نے شمالی غزہ میں دھماکے میں بریگیڈ کمانڈر کرنل احسن ڈاکسا کی ہلاکت کی تصدیق کی ہے، جہاں اسرائیلی فورسز حماس کو نشانہ بنانے کے لیے حملوں میں مصروف ہیں۔
فوجی ترجمان ریئر ایڈمرل ڈینیئل ہگاری نے میڈیا کو بریفنگ میں بتایا کہ 401ویں بریگیڈ کے کمانڈر ڈاکسا جبالیہ کے علاقے میں اس وقت مارے گئے جب وہ اپنے ٹینک سے باہر نکلتے ہی ایک دھماکہ خیز مواد سے ٹکراگئے، اس سے قبل حماس نے ہائی پروفائل قتل کا دعویٰ کیا تھا۔
اسرائیل کے وزیر دفاع یوو گیلنٹ نے ایک الگ بیان میں کہا کہ ڈاکسا “حماس کے دہشت گردوں سے لڑتے ہوئے” مارے گئے۔اس واقعے میں ایک اور بٹالین کمانڈر اور دو اہلکار زخمی ہوئے۔انہوں نے کہا کہ وہ “علاقے کا مشاہدہ کرنے کے لیے نکلے تھے اور دھماکہ خیز مواد سے ٹکرا گئے۔”
41 سالہ ڈاکسا ڈروز کمیونٹی کے رکن تھے اور انہیں چار ماہ قبل بریگیڈ کمانڈر مقرر کیا گیا تھا۔ وہ ایک سال سے جاری غزہ جنگ میں ہلاک ہونے والے سب سے سینئر آرمی کمانڈروں میں سے ایک تھے۔
حماس کے زیر انتظام علاقے میں سول ڈیفنس ایجنسی کا کہنا ہے کہ دو ہفتے تک جاری رہنے والے اس حملے میں 400 سے زائد افراد ہلاک ہو چکے ہیں۔
اسرائیل کے صدر اسحاق ہرزوگ نے ڈاکسا کو “ایک ہیرو” قرار دیتے ہوئے کہا کہ ان کی موت “اسرائیل اور اسرائیلی معاشرے کے لیے نقصان” ہے۔
