گوگل نیوز پر ہمیں فالو کریںانتہا انتہاپسند اسرائیلی قانون سازوں کے ایک گروپ نے غزہ میں جاری تباہ کن فوجی کارروائی کو مزید بڑھانے کا مطالبہ کر کے شدید غم و غصہ پیدا کر دیا ہے۔
Knesset کی خارجہ امور اور دفاعی کمیٹی کے آٹھ ارکان نے وزیر دفاع اسرائیل کاٹز سے مطالبہ کیا ہے کہ وہ شمالی غزہ میں پانی، خوراک اور بجلی کی تمام سپلائیوں کو تباہ کرنے کا حکم دیں، ایک ایسا انتہائی قدام جس کے نتیجے میں ہزاروں فلسطینی بھوک سے مر جائیں گے۔
ان کی تجاویز میں یہ شامل ہے کہ سفید جھنڈے کے بغیر علاقے میں موجود کسی بھی مرد،
عورت یا بچے کو قتل کرنا جائز ہدف قرار دیا جائے.
قانون سازوں نے، جن میں حکمران لیکود پارٹی اور اس کے اتحادی مذہبی صیہونیت، یہودی طاقت اور شاس کی شخصیات شامل ہیں، نے ایک خط میں دلیل دی کہ اسرائیلی فوج حماس کی حکمرانی اور فوجی کارروائیوں کو ختم کرنے کے اپنے مقاصد حاصل کرنے میں ناکام رہی ہے۔
انہوں نے فوج پر الزام لگایا کہ وہ محصور شمالی غزہ سے فلسطینیوں کی جبری بے دخلی کو “صحیح طریقے سےانجام نہیں دے رہی ہے، جہاں ایک اندازے کے مطابق 70,000 فلسطینی بھوکے اور بے پناہ ہیں جب کہ اسرائیل اپنا حملہ جاری رکھے ہوئے ہے۔
غزہ : دو دن میں 140 فلسطینی شہید، عالمی ادارے کی اسرائیلی حملوں کی مذمت، جنگ بندی مذاکرات کی امید
قانون سازوں نے زور دیا کہ اسرائیلی فوج کو مکمل ناکہ بندی کرنا، ضروری انفراسٹرکچر کو تباہ کرنا اور علاقے کی ‘مکمل صفائی’ کے نام پر اس کارروائی کو ختم کرنا چاہیے۔
انہوں نے یہ بھی تجویز کیا کہ اس طرح کے ظالمانہ ہتھکنڈوں کو غزہ کے دیگر حصوں میں بھی لاگو کیا جائے۔ خط میں کہا گیا ہے کہ ’’یہ نہ صرف شمالی غزہ کی پٹی میں ہونا چاہیے بلکہ ہر دوسرے خطے میں بھی ہونا چاہیے۔‘‘
گروپ نے کمیٹی کے اجلاسوں کے دوران واضح وضاحتیں فراہم نہ کرنے پر اسرائیلی فوج کے عہدیداروں کو تنقید کا نشانہ بنایا کہ اس طرح کے اقدامات ابھی تک کیوں نہیں اپنائے گئے یا فوج کی حکمت عملی کیا ہے۔
اراکین پارلیمنٹ کے مطالبات “جنرل پلان” کی بازگشت کرتے ہیں، ایک تجویز جس کی وسیع پیمانے پر مذمت کی گئی ہے کہ شمالی غزہ میں باقی تمام شہریوں کو فوجی اہداف کے طور پر لیبل لگانے کے ساتھ ساتھ خوراک، ادویات اور دیگر سامان کو منقطع کیا جائے۔
