گوگل نیوز پر ہمیں فالو کریںکراچی: ہزارہ کلچر ڈے کے موقع پر کراچی میں پیپلز پارٹی کی رہنما ارم فاطمہ ترک نے اہلِ ہزارہ سے خطاب کرتے ہوئے کہا کہ ہم ہزاروں کی تعداد میں شریک ہونے والے اہلِ ہزارہ کو خراجِ تحسین پیش کرتے ہیں۔
انہوں نے اس شاندار اور یادگار تقریب کے کامیاب انعقاد پر منتظمین کو دل سے مبارکباد دی۔ارم فاطمہ ترک نے اپنے خطاب میں ہزارہ قوم کی عزت، غیرت اور ثقافت کی اہمیت پر روشنی ڈالی۔
انہوں نے کہا کہ ہزارہ قوم نے ملک کی ترقی کے لیے بے شمار خدمات انجام دی ہیں اور ان کی اہمیت اسمبلیوں اور سیاست میں بھی بہت نمایاں ہے۔ انہوں نے مزید کہا کہ ہزارہ قوم کی جدوجہد اور قربانیوں کی بدولت پاکستان میں امن اور ترقی کے راستے ہموار ہوئے ہیں۔
ارم فاطمہ ترک نے کہا کہ ہمیں اپنی ثقافت کی حفاظت کرنی چاہیے اور نسل نو کو اس کی اہمیت کا احساس دلانا چاہیے۔ان کا کہنا تھا کہ ہزارہ قوم نے ہمیشہ اپنے حقوق کی خاطر آواز بلند کی ہے اور ہمیں ان کی آواز کو سننا اور ان کی حمایت کرنی چاہیے۔
انہوں نے یہ بھی کہا کہ حکومت کو چاہیے کہ وہ ہزارہ قوم کے مسائل کو ترجیحی بنیادوں پر حل کرے تاکہ ان کی زندگیوں میں بہتری لائی جاسکے۔
محترمہ بے نظیر بھٹو کا وژن ہمارے لیے مشعل راہ ہے، ارم فاطمہ ترک
یہ تقریب اس بات کا ثبوت ہے کہ ہزارہ قوم اپنے ثقافتی ورثے کو نہ صرف برقرار رکھے ہوئے ہے بلکہ اسے فروغ بھی دے رہی ہے۔ ارم فاطمہ ترک نے آخر میں اس امید کا اظہار کیا کہ ہم سب مل کر ایک مضبوط اور ترقی یافتہ پاکستان کی تعمیر میں اپنا کردار ادا کریں گے۔
