گوگل نیوز پر ہمیں فالو کریںبھارتی فضائیہ کا طیارہ ضلع گجرات کے علاقے جام نگر میں گر کر تباہ ہوگیا، خوفناک حادثے کے نتیجے میں ایک پائلٹ ہلاک جبکہ دوسرا زخمی ہوگیا ہے، واقعے کی ویڈیو منظر عام پر آگئی۔
تفصیلات کے مطابق بھارتی فضائیہ کا جیگوار لڑاکا جیٹ طیارہ جام نگر میں گر کر تباہ ہوا جو معمول کی تربیتی پرواز کے دوران حادثے کا شکار ہوا۔ بھارتی میڈیا کا کہنا ہے کہ طیارہ حادثے کے بعد ایک پائلٹ کی لاش جبکہ دوسرے کو زخمی حالت میں برآمد کیا گیا ہے۔
بعض میڈیا رپورٹس کے مطابق حادثے کے بعد وائرل ہونے والی ویڈیو میں تکنیکی خرابی کے باعث گر کر تباہ ہونے والے طیارے کو ٹوٹی ہوئی حالت میں جلتے ہوئے دیکھا جاسکتا ہے۔ بھارتی فضائیہ کا کہنا ہے کہ واقعے کی تحقیقات شروع کردی گئی ہیں۔
An Indian Airforce Jaguar crashes near Suwarda village near Jamnagar, Gujarat.
Pilot killed, another injured pic.twitter.com/4V0EdQXlCj— Farzana Shah (@Jana_Shah) April 2, 2025
دفاعی ماہرین کا کہنا ہے کہ گزشتہ ایک ماہ سے بھی کم عرصے میں یہ تیسرا حادثہ ہے جبکہ اس قسم کے حادثات بھارتی فضائیہ کے حفاظتی معیارات پر سوالیہ نشان ہیں۔ وزیراعظم نریندر مودی کی ناقص پالیسیوں نے دفاعی نظام کمزور کردیا۔
گزشتہ ماہ 7 مارچ کو ایک ہی روز بھارتی فضائیہ کے دو طیارے گر کر تباہ ہوگئے تھے جن میں لڑاکا طیارہ جیگوار بھی شامل تھا، دفاعی ماہرین کا کہنا ہے کہ فوج میں کرپشن کے باعث بھارتی فضائیہ کو مسلسل حادثات کا سامنا کرنا پڑر ہا ہے۔
