گوگل نیوز پر ہمیں فالو کریںایشیا کپ ٹی ٹوئنٹی کے سپر فور مرحلے کے دوسرے میچ میں جہاں میدان میں کرکٹ کا جوش و خروش جاری تھا وہیں پاکستانی فاسٹ بولر حارث رؤف کا ایک انداز سوشل میڈیا پر خوب توجہ حاصل کر گیا۔
بھارتی تماشائیوں کی جانب سے طنزیہ نعرے بازی کا سامنا کرنے کے باوجود حارث رؤف نے نہ صرف صبر کا مظاہرہ کیا بلکہ دلچسپ انداز میں جواب دے کر پاکستانی شائقین کے دل جیت لیے۔
میچ کے دوران جب بھارت بیٹنگ کر رہا تھا اور حارث باؤنڈری لائن پر فیلڈنگ کررہے تھے تو مبینہ طور پر بھارتی تماشائیوں کی جانب سے ان پر جملے کسے گئے۔ جواباً حارث نے ہاتھوں کی مدد سے 6 صفر کا اشارہ بنایا اور ساتھ ہی ہوائی جہاز اُڑانے اور پھر گرنے کا انداز بھی اپنایا جس پر سوشل میڈیا پر پاکستانی صارفین نے انہیں بھرپور سراہا۔
Haris Rauf never disappoints, specially with 6-0. pic.twitter.com/vsfKKt1SPZ
— Ihtisham Ul Haq (@iihtishamm) September 21, 2025
یہ اشارہ دراصل مئی میں پیش آنے والے اُس واقعے کی طرف اشارہ سمجھا جا رہا ہے جب ایک آپریشن کے دوران پاک فضائیہ نے 6 بھارتی طیارے مار گرائے تھے۔ اس واقعے کو بعد میں سوشل میڈیا پر “0-6” کے اسکور کے طور پر یاد رکھا گیا۔
خاموش مگر بھرپور پیغام؛ حارث رؤف کا اشارے پر بھارتی تلملا گئے
حارث رؤف کے اس ردِعمل کو جہاں پاکستانی صارفین نے تاریخی قرار دیا وہیں بھارتی سوشل میڈیا صارفین نے شدید ناراضی کا اظہار کیا۔
یاد رہے کہ یہ معاملہ ایک حساس فوجی پس منظر رکھتا ہے اور کرکٹ کے میدان میں اسے یاد دلانے کا انداز کئی حلقوں میں مختلف آرا کا باعث بن رہا ہے۔
