گوگل نیوز پر ہمیں فالو کریںیوکرین کے صدر ولودیمیر زیلنسکی نے متحدہ عرب امارات کی وزیر مملکت برائے بین الاقوامی تعاون ریم الہاشمی کو ان کی یوکرین کی حمایت میں شاندار خدمات کے اعتراف میں آرڈر آف پرنسس اولگا، فرسٹ کلاس سے نوازا ہے۔ صدر زیلنسکی نے اس فیصلے کا اعلان اپنے آفیشل ایکس (ٹوئٹر) اکاؤنٹ پر کیا، جہاں انہوں نے امارات کی کاوشوں کو سراہا۔
صدر زیلنسکی نے اپنے ٹوئٹ میں لکھا کہ یوکرین ہر اس ملک اور فرد کا شکر گزار ہے جو ہمارے عوام کی سچی مدد کرتا ہے۔ متحدہ عرب امارات نے کئی بار یوکرینی شہریوں کو روسی قید سے رہائی دلوانے میں ثالث کا کردار ادا کیا ہے۔ ہم ان کی نمایاں انسانی ہمدردی کی کوششوں، یوکرینی بچوں اور خاندانوں کی مدد، اور دوطرفہ تعاون کو قدر کی نگاہ سے دیکھتے ہیں۔
Ukraine is grateful to every country and to everyone who truly supports our people. The United Arab Emirates has repeatedly acted as a mediator in securing the return of Ukrainians from Russian captivity. We also value their significant humanitarian initiatives, support to… pic.twitter.com/SO7Ab90XK4
— Volodymyr Zelenskyy / Володимир Зеленський (@ZelenskyyUa) October 11, 2025
میں نے متحدہ عرب امارات کی وزیر مملکت برائے بین الاقوامی تعاون محترمہ ریم الہاشمی کو یوکرین کی مدد میں ان کی غیر معمولی ذاتی کاوشوں کے اعتراف میں آرڈر آف پرنسس اولگا، فرسٹ کلاس سے نوازا ہے۔ ہم مستقبل میں بھی اپنے فعال تعاون کو جاری رکھنے کے خواہشمند ہیں۔
یہ ایوارڈ یوکرین اور متحدہ عرب امارات کے درمیان مضبوط ہوتے تعلقات کی عکاسی کرتا ہے۔ زیلنسکی نے اپنے بیان میں کہا کہ امارات نے یوکرینی قیدیوں کی رہائی میں اہم کردار ادا کیا اور انسانی ہمدردی کے منصوبوں میں بھرپور تعاون کیا، جو یوکرینی عوام کے لیے امید کی کرن ثابت ہوا۔ ریم الہاشمی کی قیادت میں امارات نے یوکرینی بچوں اور خاندانوں کے لیے امدادی پروگرامز بھی چلائے ہیں۔
یہ ایوارڈ نہ صرف ریم الہاشمی کی ذاتی خدمات کا اعتراف ہے بلکہ عالمی سطح پر امن و تعاون کے لیے امارات کے کردار کو بھی اجاگر کرتا ہے۔ یوکرین نے امید ظاہر کی کہ دونوں ممالک کے درمیان یہ تعاون مستقبل میں مزید مضبوط ہوگا۔
