گوگل نیوز پر ہمیں فالو کریںاداکارہ ماہرہ خان نے اپنی نئی فلم “نیلوفر” کا ٹیزر ریلیز ہونے کے فوراً بعد ایک غیر رسمی سوال و جواب سیشن کے ذریعے مداحوں کو خوشگوار سرپرائز دیا۔ یہ سیشن انہوں نے سوشل میڈیا پلیٹ فارم ایکس (سابقہ ٹوئٹر) پر رکھا۔
اگرچہ ماہرہ خان نے کہا کہ وہ ’’تھکن اور جیٹ لیگ‘‘ کا شکار ہیں، لیکن اس کے باوجود انہوں نے اپنے چاہنے والوں کے لیے وقت نکالا اور “Ask Mahira” کے عنوان سے مداحوں کے سوالوں کے جوابات دیے، جن میں ان کے کیریئر اور آئندہ منصوبوں کے بارے میں دلچسپ گفتگو شامل تھی۔
جب ایک مداح نے پوچھا کہ کیا وہ دوبارہ ٹی وی ڈراموں میں واپسی کر رہی ہیں، تو ماہرہ نے جواب دیا:
“مجھے معلوم ہے، معلوم ہے… مجھے آنا چاہیے۔ بس کسی ایسے پراجیکٹ کا انتظار ہے جو میں نے پہلے نہیں کیا ہو۔”
اس سے ظاہر ہوتا ہے کہ وہ ٹی وی پر واپسی چاہتی ہیں لیکن صرف کسی نئے اور چیلنجنگ کردار کے ساتھ۔
ایک اور سوال پر جب ان سے پوچھا گیا کہ کیا “نیلوفر” ان کے کیریئر کا سب سے مشکل کردار تھا، تو انہوں نے جواب دیا:
“نہیں… لیکن سب سے خالص، سب سے میٹھا۔ وہ اس دنیا سے نہیں ہے۔ ریحانہ، تمہاری کمی محسوس ہوتی ہے۔ بہت سارا پیار۔”
اس وقت ماہرہ خان امریکا کے شہر ہیوسٹن میں موجود ہیں، جہاں وہ 2025 کے “ہم ایوارڈز” میں شرکت کے لیے گئی ہیں۔
انہوں نے اپنے سیشن کا اختتام ایک محبت بھرے جملے سے کیا:
“اچھا، اب بائے۔ ایک آنکھ بند ہو رہی ہے۔ آپ سب سے پیار ہے… اور آپ سب جانتے ہیں۔”
یہ بھی قابلِ ذکر ہے کہ “نیلوفر” کے ٹیزر کے اجرا کے بعد سے ہی فلم کو زبردست پذیرائی مل رہی ہے۔ فلم میں ماہرہ خان ایک بصارت سے محروم لڑکی کا کردار ادا کر رہی ہیں، جبکہ ان کے ساتھ ان کے مشہور ڈرامہ “ہم سفر” کے ساتھی فواد خان بھی مرکزی کردار میں نظر آئیں گے۔
