گوگل نیوز پر ہمیں فالو کریںکپتان شان مسعود کی عمدہ بیٹنگ کی بدولت پاکستان نے جنوبی افریقہ کے خلاف قذافی اسٹیڈیم میں دوسرے اور آخری ٹیسٹ کے پہلے دن کے اختتام پر پانچ وکٹوں کے نقصان پر 259 رنز بنالئے۔
ٹاس جیت کر پاکستان نے پہلے بیٹنگ کا فیصلہ کیا۔ اوپننگ شراکت 35 رنز پر ختم ہوئی جب امام الحق کو اسپنر سائمن ہارمر نے 17 رنز پر بولڈ کر دیا۔
ان کے بعد عبداللہ شفیق نے عمدہ بیٹنگ کی اور 57 رنز بنانے کے بعد وہ بھی ہارمر کا شکار بن گئے۔ کپتان شان مسعود نے پُراعتماد بیٹنگ کرتے ہوئے نصف سنچری مکمل کی۔
چوتھے نمبر پر آنے والے بابر اعظم ایک بار پھر بڑی اننگز کھیلنے میں ناکام رہے۔ جنوبی افریقہ نے ان کے خلاف ایک ریویو ضائع کیا اور اگلی ہی گیند پر کیشَو مہاراج نے انہیں آؤٹ کر دیا۔ ٹونی ڈی زورزی نے سلّی مِڈ آف پر شاندار کیچ لے کر بابر کو 16 رنز پر پویلین بھیج دیا۔
چائے کے وقفے تک پاکستان تین وکٹوں کے نقصان پر 177 رنز بنا چکا تھا۔ بعد ازاں شان مسعود 87 رنز بنا کر مارکو یانسن کے ہاتھوں کیشَو مہاراج کی دوسری وکٹ بنے۔
