گوگل نیوز پر ہمیں فالو کریںممبئی: بالی ووڈ کے معروف بھائی بہنوں نے حالیہ بھائی دوج کے تہوار کو بھرپور محبت اور روایتی انداز میں منایا۔ سوہا علی خان، سیف علی خان، ایکتا کپور اور تشار کپور نے اپنے خاندانی لمحات اور جذباتی مناظر سوشل میڈیا پر شیئر کر کے مداحوں کے دل جیت لیے۔
یہ تہوار، جو بھائی بہن کے مقدس رشتے کو خراجِ محبت پیش کرنے کے لیے منایا جاتا ہے، بالی ووڈ کے ستاروں نے خاندانی میل جول، روایتی رسومات اور دل کو چھو لینے والے پیغامات کے ساتھ منایا۔
پٹودی خاندان کی تقریب کی تصاویر سیف علی خان اور سوہا علی خان کی بڑی بہن صبا پٹودی نے اپنے سوشل میڈیا اکاؤنٹس پر شیئر کیں۔
Bollywood siblings mark #BhaiDooj with love. Soha-Saif, Ektaa-Tusshar share heartfelt moments celebrating family bonds.
Read more on https://t.co/RvXnM0aquc#Bollywood #Festivals #Family pic.twitter.com/cesgWRo3TX
— shorts91 (@shorts_91) October 23, 2025
ان مناظر میں سیف علی خان اپنی اہلیہ کرینہ کپور خان اور بچوں تیمور اور جے کے ساتھ نظر آئے جبکہ سوہا علی خان اپنے شوہر کنال کھیمو اور بیٹی عنایہ نعومی کھیمو کے ہمراہ موجود تھیں۔
صبا پٹودی نے اپنے بھائی کے لیے ایک جذباتی پیغام کے ساتھ تحریر کیاکہ بھائی ہمیشہ بھائی رہے گا اور ساتھ پرانی یادوں سے جڑی چند تصاویر بھی شامل کیں۔
سوہا علی خان نے بھی اپنی مہندی کی تقریب کی ایک نایاب تصویر شیئر کرتے ہوئے اپنے بھائی کے ساتھ مضبوط رشتے کو خراجِ تحسین پیش کیا۔
دوسری جانب کپور خاندان کے بہن بھائی، ایکتا کپور اور تشار کپور نے اپنے منفرد اور مزاحیہ انداز میں بھائی دوج کا تہوار منایا۔
ایکتا کپور نے اپنے انسٹاگرام پر ایک دلچسپ ویڈیو پوسٹ کی جس میں تشار کپور نے اچانک سیٹی بجا کر ایک مزاحیہ لمحہ پیدا کیا جسے مداحوں نے بے حد پسند کیا۔
تشار کپور نے بھی تقریب کی جھلکیاں شیئر کیں جن میں ایکتا کو روایتی رسم ادا کرتے ہوئے دکھایا گیا، جب وہ اپنے بھائی کے ماتھے پر ٹیکا لگانے کے بعد مٹھائی کھلا رہی تھیں اور سیلفیز لے رہی تھیں۔
ایکتا کپور نے ماضی میں اپنے بھائی کے ساتھ رشتے کو منفرد انداز میں بیان کرتے ہوئے کہا تھا کہ ہماری فیملی کچھ الگ سی ہے، مگر اسی میں ہماری محبت چھپی ہے۔ انہوں نے اعتراف کیا کہ والدین بننے کے بعد ان کے تعلقات میں مزید قربت آئی ہے۔
ان اسٹارز کے سوشل میڈیا پیغامات نے مداحوں کو ان کی ذاتی زندگی کی ایک خوبصورت جھلک دکھائی، جہاں چمک دمک سے بھری فلمی دنیا کے باوجود وہ اپنی روایات، خاندانی قدروں اور بھائی بہن کے اٹوٹ رشتے کو قائم رکھے ہوئے ہیں۔
