گوگل نیوز پر ہمیں فالو کریںہیلووین کے موقع پر نیٹ فلیکس پر کئی خوفناک فلمیں شائقین کی توجہ کا مرکز بنی ہوئی ہیں۔ ان فلموں میں نہ صرف دہشت اور سنسنی خیز کہانیاں شامل ہیں بلکہ ان کے مناظر اور پس منظر بھی ناظرین کو خوف کے ایک منفرد جہان میں لے جاتے ہیں۔
2025 اور اس سے پہلے ریلیز ہونے والی کئی ہارر فلموں نے شائقین کے دل جیت لیے ہیں۔ ان میں کہانی، ہدایت کاری، اور اداکاری کے ساتھ ساتھ نفسیاتی خوف اور غیر متوقع موڑ انہیں مزید دلچسپ بناتے ہیں۔
ان میں سب سے زیادہ دیکھی جانے والی فلم دی الکسیر ہے، جس میں انڈونیشیا کے ایک گاؤں کی کہانی دکھائی گئی ہے جہاں ایک بوڑھا شخص اپنی جوانی واپس پانے کے لیے جڑی بوٹیوں سے دوا تیار کرتا ہے، مگر یہ دوا مردوں کو زندہ کر دیتی ہے اور پورا گاؤں خوفناک زومبیوں کی گرفت میں آجاتا ہے۔
اسی طرح فلم کریپ 2 میں ایک خاتون فوٹوگرافر ایک پراسرار شخص سے ملتی ہے جو خود کو قاتل کہتا ہے۔ سچ اور جھوٹ کے درمیان نفسیاتی خوف پر مبنی یہ کہانی ناظرین کو آخری لمحے تک تجسس میں مبتلا رکھتی ہے۔
ایک اور مشہور فلم کوب ویب ہے جس میں ایک کم عمر لڑکا اپنے گھر کی دیواروں سے آنے والی پراسرار آوازوں سے خوفزدہ رہتا ہے۔ ان آوازوں کے تعاقب میں اسے اپنے والدین کے بارے میں ایک ہولناک راز کا پتہ چلتا ہے، جو فلم کے اختتام پر ایک چونکا دینے والا موڑ اختیار کرتا ہے۔
فلم اپاسل میں ایک شخص اپنی بہن کو بچانے کے لیے ایک دور دراز جزیرے پر پہنچتا ہے، جہاں ایک مذہبی فرقہ ایک دیوی کی خون آلود عبادت کرتا ہے۔ انسانی قربانیوں پر مبنی یہ فلم مذہب، جنون، اور عقیدے کے خوفناک پہلوؤں کو نمایاں کرتی ہے۔
اس فہرست میں شامل ایک اور فلم ڈیڈ اسٹریم ہے جس میں ایک مشہور آن لائن شخصیت اپنی کھوئی ہوئی شہرت واپس پانے کے لیے ایک آسیب زدہ مکان سے براہِ راست نشریات شروع کرتا ہے لیکن جلد ہی اسے احساس ہوتا ہے کہ وہ محض ایک افواہ نہیں بلکہ حقیقی بدروحوں کے نرغے میں پھنس چکا ہے۔
