گوگل نیوز پر ہمیں فالو کریںوزارت مذہبی امور نے عوام کو خبردار کیا ہے کہ “خدام الحجاج” کے نام سے ایک جعلی اشتہار اخباروں اور سوشل میڈیا پر گردش کر رہا ہے، جو سعودی عرب میں حج اور عمرہ کی خدمات کے لیے ملازمتیں فراہم کرنے کا دعویٰ کر رہا ہے، جس کے ذریعے عوام کو پھانسنے والی کمپنی جعلی ہے۔
وزارت کے ترجمان نے ایکس (سابقہ ٹوئٹر) پر سوشل میڈیا صارفین کو آگہی دیتے ہوئے بتایا کہ یہ اشتہار، جو مکہ مکرمہ اور مدینہ منورہ میں حج اور عمرہ کی خدمات کی ملازمتیں فراہم کرنے کا دعویٰ کرتا ہے اور 8 دسمبر کو ایک مقامی اخبار میں شائع ہوا، “جعلی کمپنی” کا ہے اور اس کا امیگریشن و اوورسیز ایمپلائمنٹ بیورو سے غلط رجسٹریشن نمبر دیا گیا ہے۔
وزارت نے ایکس پر “خدمین حج” نامی کمپنی کے جعلی اشتہار کی ایک نقل بھی شیئر کی، جس میں جھوٹا دعویٰ کیا گیا تھا کہ یہ کمپنی دو سال کے لیے مکہ اور مدینہ میں حج اور عمرہ کے زائرین کی خدمت کی ملازمتیں فراہم کرے گی، ساتھ ہی مفت ویزا، واپسی کے ٹکٹ اور رہائش بھی دی جائے گی۔
#Fake #Advertisement #FactCheck #Khuddam #Hajj @FactCheckerMoIB pic.twitter.com/Y225LZohzE
— Ministry of Religious Affairs & Interfaith Harmony (@MORAisbOfficial) December 10, 2025
وزارت نے شہریوں کو مشورہ دیا کہ وہ تمام کمپنیوں کی رجسٹریشن کی تصدیق سرکاری ویب سائٹس سے کریں، ایسے اشتہارات میں دئیے گئے موبائل نمبرز سے رابطہ کرنے سے گریز کریں اور صرف سرکاری لینڈ لائن نمبرز پر ہی رابطہ کریں۔
حکام کا کہنا ہے کہ شہری کسی بھی شکایات کی صورت میں قانون نافذ کرنے والے اداروں سے رابطہ کریں، اور تصدیق کی کہ جعلی اشتہار شائع کرنے والوں کے خلاف قانونی کارروائی کی جا رہی ہے۔
