گوگل نیوز پر ہمیں فالو کریںوزیر اعلیٰ پنجاب مریم نواز شریف کے احکامات لاہور کے مصروف علاقے لبرٹی چوک میں کرسمس کے موقع پر 42 فٹ بلند کرسمس ٹری نصب کر دیا گیا جو بین المذاہب ہم آہنگی، رواداری اور شمولیت کا واضح پیغام دے رہا ہے۔
وزیر اعلیٰ پنجاب مریم نواز نے ایکس (سابق ٹوئٹر) پر اپنے ایک پیغام میں کہا کہ یہ اقدام اس بات کی علامت ہے کہ پنجاب میں اقلیتی برادریوں کو نہ صرف تحفظ حاصل ہے بلکہ انہیں معاشرے کا ایک قابلِ قدر اور محترم حصہ بھی سمجھا جاتا ہے۔
A 42-foot-tall Christmas tree 🎄 has been installed at Liberty Chowk, Lahore, as a powerful gesture of love, plurality, and inclusion. It reflects the message that minorities are not only safe in Punjab but are also valued, respected, and an integral part of the social fabric. pic.twitter.com/6P6OjgEgWJ
— Maryam Nawaz Sharif (@MaryamNSharif) December 23, 2025
انہوں نے کہا کہ نصب کیا گیا کرسمس ٹری مختلف مذاہب اور ثقافتوں کے درمیان محبت، احترام اور باہمی قبولیت کی علامت کے طور پر پیش کیا جا رہا ہے۔ حکام اور منتظمین کے مطابق اس کا مقصد یہ پیغام دینا ہے کہ پنجاب میں تمام شہری، چاہے ان کا تعلق کسی بھی مذہب سے ہو، برابر کے حقوق رکھتے ہیں اور صوبہ تنوع کو خوش آمدید کہتا ہے۔
شہریوں کی بڑی تعداد لبرٹی چوک پر اس کرسمس ٹری کو دیکھنے پہنچ رہی ہے جہاں اسے ایک مثبت اور خوش آئند علامت قرار دیا جا رہا ہے۔ اس اقدام کو مذہبی ہم آہنگی کے فروغ اور اقلیتوں کے ساتھ یکجہتی کے اظہار کے طور پر سراہا جا رہا ہے۔
پنجاب حکومت کی جانب سے عیسائی برادری کے مذہبی تہوار کے موقع پر کرسمس ٹری نصب کرنے پر سوشل میڈیا صارفین نے سراہا۔ عاشر البرٹ نامی صارف نے مریم نواز کا شکریہ ادا کرتے ہوئے کہا کہ میرے خیال میں یہ پاکستان کا سب سے برا کرسمس ٹری ہے۔
Thank you CM Shaiba ❤️
I think it’s Pakistan’s Largest Christmas tree 🌲
— Asher Albert (@asher_albert) December 23, 2025
ایک صارف نے کہا کہ پنجاب حکومت کا شکریہ ادا کرتے ہوئے کہاکہ یہی وہ پاکستان ہے جس کا میں ہمیشہ خواب دیکھتا رہا ہوں جہاں مختلف مذاہب کے تمام پاکستانی اپنے تہوار بغیر کسی خوف کے منا سکتے ہیں۔ آپ نے میرا دل جیت لیا۔
