گوگل نیوز پر ہمیں فالو کریںچیئرپرسن پنجاب ویمن پروٹیکشن اتھارٹی حنا پرویزبٹ نے جنرل ہسپتال میں زیرعلاج طالبہ سے ملاقات کی ہے، واقعے کی ویڈیو سوشل میڈیا پر وائرل ہوگئی۔
تفصیلات ک مطابق لاہور کی نجی یونیورسٹی میں مبینہ طور پر خودکشی کی کوشش کرنے والی طالبہ سے چیئرپرسن پنجاب ویمن پروٹیکشن اتھارٹی حنا پرویز بٹ نے وزیر اعلیٰ پنجاب مریم نواز کی ہدایت پر ملاقات کی۔ اسپتال کے دورے کے موقعے پر حنا پرویز بٹ کی ملاقات طالبہ کے اہل خانہ سے بھی ہوئی۔
اس موقعے پر گفتگو کرتے ہوئے چیئرپرسن ویمن پروٹیکشن اتھارٹی نے کہا کہ زیر علاج طالبہ کو ہوش آگیا ہے اور انہیں وینٹی لیٹر سے ہٹا دیا گیا۔ اب ان کی حالت میں نمایاں بہتری دیکھی جارہی ہے۔ طالبہ کی جان بچانا اوّلین ترجیح ہے۔ جنرل ہسپتال علاج کے ہر مرحلے کی سخت مانیٹرنگ کرے۔
لاہور کی نجی یونیورسٹی میں زیرِ تعلیم طالبہ کے اقدامِ خودکشی کے واقعہ پر وزیراعلیٰ مریم نواز کی ہدایت پر میں نے لاہور جنرل ہسپتال کا دورہ کیا۔ہسپتال میں زیرِ علاج طالبہ اور اس کے اہلِ خانہ سے ملاقات کی، ان سے اظہارِ ہمدردی کیا اور طالبہ کی صحت سے متعلق ڈاکٹروں سے تفصیلی بریفنگ… pic.twitter.com/NDNQiCZcoV
— Hina Parvez Butt (@hinaparvezbutt) January 8, 2026
گفتگو کے دوران حنا پرویز بٹ نے کہا کہ طالبہ کو بہترین طبی نفسیاتی اور ری ہیبلٹیشن کی سہولیات کی فراہمی یقینی بنائی جائے۔ یونیورسٹی انتظامیہ اور گھریلو کشیدگی سمیت واقعے کے تمام پہلوں کی باریک بینی سے تحقیقات ضروری ہیں۔پسند کی شادی اور تعلیم سے متعلق دباؤ کے پہلوؤں کا جائزہ بھی لیا جارہا ہے۔
حنا پرویز بٹ کا کہنا تھا کہ واقعے سے قبل طالبہ کی آخری کال اور موبائل ریکارڈ کی فرانزک جانچ بھی کی جارہی ہے۔ طالبہ کی مبینہ خودکشی کے واقعے سے قبل اور بعد کے تمام حقائق قانون کے مطابق سامنے لائے جائیں گے۔
