گوگل نیوز پر ہمیں فالو کریںکراچی کے مختلف علاقوں میں نامکمل تعمیراتی کام شہریوں کیلئے خطرے کا باعث بن گئے ہیں۔ اورنگی ٹاؤن شاہ فیصل چوک پر 4 فروری کی رات ایک خوفناک حادثہ پیش آیا جب ایک شہری اپنی موٹر سائیکل کے ساتھ گڑھے میں جا گرا۔
حادثے کی فوٹیج سوشل میڈیا پر وائرل ہورہی ہے جس میں دیکھا جا سکتا ہے کہ شہری گڑھے کے کنارے سے موٹر سائیکل نکالنے کی کوشش کر رہا تھا کہ اچانک توازن خراب ہونے کے باعث وہ گڑھے میں جا گرا اور موٹر سائیکل بھی اس کے اوپر گر گئی۔
کراچی میں نامکمل تعمیراتی کام شہریوں کی جان کے لیے خطرہ بن گئے
اورنگی ٹاون شاہ فیصل چوک پر افسوسناک حادثہ
شہری موٹرسائیکل سمیت گڑھے کے اندر جا گرا
حادثے کی فوٹیج سوشل میڈیا پر وائرل
حادثہ 4 فروری کو رات کے وقت پیش آیا تھا
شہری گڑھے کے سائیڈ سے موٹرسائیکل نکال رہا تھا،فوٹیج pic.twitter.com/rI34MWpQEp— QOMINEWS (@QOMINEWS) February 9, 2026
شہری خود باہر نکلنے کی کوشش کرتا رہا مگر کامیاب نہ ہو سکا تاہم خوش قسمتی سے تین راہگیر موقع پر پہنچے اور انہوں نے شہری کو نکالا، پھر رسی کی مدد سے موٹر سائیکل کو بھی باہر نکالا گیا اور شہری کسی بڑے نقصان سے بچ گیا۔
