گوگل نیوز پر ہمیں فالو کریںترکی کے شہر قونيا میں ایک عدالتی تنازع منفرد انداز میں حل ہوگیا، جہاں فریقین نے باہمی رضامندی سے رقم غزہ کے متاثرین کی مدد کے لیے عطیہ کرنے پر اتفاق کرلیا۔
رپورٹس کے مطابق ایک رہائشی کمپلیکس کی انتظامیہ میں کام کرنے والے ملازم نے کمپلیکس کے منیجر کو ٹیلی فون پر دھمکیاں دیں۔ ملازم کا مؤقف تھا کہ منیجر اس کی ملازمت کے خاتمے کا سبب بنا ہے، جس پر منیجر نے ملازم کے خلاف قانونی شکایت درج کرا دی۔
بعد ازاں مقدمہ عدالت میں باقاعدہ سماعت سے پہلے مصالحتی دفتر کو بھیج دیا گیا تاکہ ثالثی کے ذریعے مسئلہ حل کیا جا سکے۔ ثالثی کے دوران ہونے والی بات چیت کے نتیجے میں دونوں فریقین ایک سمجھوتے پر پہنچ گئے۔
معاہدے کے مطابق ملازم 15 ہزار ترک لیرا (تقریباً 345 امریکی ڈالر) غزہ میں انسانی امداد کے لیے عطیہ کرے گا، جبکہ اس کے بدلے کمپلیکس کا منیجر اپنی قانونی شکایت واپس لے لے گا۔
اس طرح ایک قانونی تنازع انسانی ہمدردی کے جذبے کے تحت ختم ہوا اور تنازع کا حل غزہ کے متاثرین کی مدد کی صورت میں سامنے آیا۔
