گوگل نیوز پر ہمیں فالو کریںلاہور پولیس نے قران پاک کی آیت کی بے حرمتی کرنے والے متنازعہ ٹک ٹاکر علی جٹ کو گرفتار کرلیا جبکہ ملزمان کے مفرور ساتھیوں کی تلاش میں مختلف مقامات پر چھاپے مارے جا رہے ہیں۔
سوشل میڈیا ایپ ایکس (سابق ٹوئٹر) پر جاری ایک بیان میں لاہور پولیس حکام نے بتایا کہ شاہدرہ ٹاؤن میں قرآن پاک کی آیت کی مبینہ بے حرمتی کے واقعے کی اطلاع موصول ہوتے ہی پولیس نے فوری کارروائی کرتے ہوئے ملوث ملزمان کو گرفتار کر لیا ہے۔
شاہدرہ ٹاؤن میں قرآن پاک کی آیت کی مبینہ بے حرمتی کے واقعے کی اطلاع موصول ہوتے ہی شاہدرہ ٹاون پولیس نے فوری کارروائی کرتے ہوئے ملوث ملزمان کو گرفتار کر لیا ہے۔ واقعے کا مقدمہ درج، جبکہ فرار ہونے والے دیگر ملزمان کی گرفتاری کے لیے مختلف مقامات پر چھاپے مارے جا رہے ہیں۔ 1/2
— Lahore Police Official (@Lahorepoliceops) March 15, 2026
بیان میں کہا گیا ہے کہ افسوسناک واقعے کا مقدمہ درج کرلیا گیا جبکہ ملزم فرار ہونے والے دیگر ساتھیوں کی گرفتاری کے لیے مختلف مقامات پر چھاپے مارے جا رہے ہیں۔
ایکس پر جاری بیان میں کہا گیا ہے کہ لاہور پولیس واضح کرتی ہے کہ واقعے کے تمام پہلوؤں پر تفصیلی تحقیقات جاری ہیں۔ مذہبی جذبات کو مجروح کرنے والے عناصر کے خلاف قانون کے مطابق سخت کارروائی عمل میں لائی جائے گی اور امن و امان کے قیام اور شہریوں کے تحفظ کو ہر صورت یقینی بنایا جائے گا۔
واضح رہے کہ متنازعہ ٹک ٹاکر علی جٹ کی ایک ویڈیو وائرل ہو رہی ہے جس میں وہ ایک انتہائی بیہودہ گالی اور قران آیت کے ساتھ ملا پر پڑھا رہا ہے۔
یہ علی جٹ پاکستانی ٹک ٹاکر ہے کافی مشہور ٹک ٹاکر ہے جو اسلامی ایت کامذاق اڑا رہا ہے ۔۔
مجھے تحریک لبیک سے لالھ اختلاف تھا مگر ایسے لوگوں کو وہ سیدھا کر کے رکھتی تھی اب محسوس ہوتا ہے اگر یہ جماعت اج ہوتی تو اس شخص کے خلاف ہوتے پاکستان میں پرچے ہوتے ۔ جسے دیکھ کر… pic.twitter.com/Hg1v4NUfkW
— Saleem Speaks (@saleemspeaks2) March 12, 2026
سوشل میڈیا پر ویڈیو وائرل ہوتے ہی صارفین نے سخت ردعمل دیتے ہوئے اسے فوری طور پر گرفتار کرکے قانونی سزا دینے کا مطالبہ کیا۔
مقدمہ درج ہونے کے بعد معاملے پر سنگینی سامنے آنے پر متنازعہ ٹک ٹاکر نے معافی مانگ لی ہے تاہم سوشل میڈیا صارفین اور عوام نے اسے سخت سے سخت سزا دینے کا مطالبہ کرتے ہوئے اسے کسی صورت معاف نہیں کیا جائے۔
