گوگل نیوز پر ہمیں فالو کریںپاکستان اسٹاک ایکسچینج میں جمعرات 9اپریل 2026 کو ایک غیر مستحکم سیشن دیکھنے میں آیا جس میں بینچ مارک انڈیکس تقریباً 300 پوائنٹس کی کمی کے ساتھ بند ہوا۔
کاروبار کے اختتام پر بینچ مارک 100 انڈیکس 165,517 پوائنٹس پر آ کر بند ہوا جو 293.49 پوائنٹس یا 0.18 فیصد کی کمی کو ظاہر کرتا ہے۔
اہم شعبوں بشمول آٹوموبائل، کیمیکلز اور کمرشل بینکوں میں فروخت کا دباؤ دیکھا گیا۔
گزشتہ روز بدھ کو بینچ مارک K100 انڈیکس میں ریکارڈ تیزی دیکھی گئی تھی جو 14,137 پوائنٹس یا 9.32 فیصد بڑھ کر 165,811.01 پوائنٹس پر بند ہوا۔
دوسری جانب جمعرات کو تیل کی قیمتوں میں اضافہ ہوا کیونکہ مشرق وسطیٰ میں دو ہفتوں کی نازک جنگ بندی سے متعلق غیر یقینی صورتحال نے خدشات کو بڑھا دیا کہ اہم آبنائے ہرمز کے ذریعے توانائی کی ترسیل متاثر رہ سکتی ہے۔
برینٹ خام تیل کے فیوچرز میں 1.96 ڈالر یا 2.07 فیصد اضافہ ہوا اور یہ 96.71 ڈالر فی بیرل تک پہنچ گیا جبکہ امریکی ویسٹ ٹیکساس انٹرمیڈیٹ (WTI) خام تیل 2.60 ڈالر یا 2.75 فیصد بڑھ کر 97.01 ڈالر فی بیرل ہو گیا۔
اسٹیٹ بینک آف پاکستان نے 8 اپریل 2026 کو میچور ہونے والے یورو بانڈ پر 1.43 ارب ڈالر کی کامیاب ادائیگی کر دی ہے جس میں 1.3 ارب ڈالر اصل رقم اور باقی سود شامل ہے۔ یہ اقدام بڑھتے ہوئے بیرونی ادائیگی کے دباؤ کے باوجود بین الاقوامی قرضوں کی ادائیگی کے حوالے سے ملک کے عزم کو ظاہر کرتا ہے۔
