گوگل نیوز پر ہمیں فالو کریںاسلام آباد میں تھانہ سنبل کی حدود میں ایک ورکشاپ میں مبینہ طور پر ایک بچے پر تشدد کا واقعہ منظر عام پر آیا ہے جس کی ویڈیو سوشل میڈیا پر وائرل ہورہی ہے جبکہ مقامی حلقوں نے پولیس اور متعلقہ حکام سے واقعے کی غیر جانبدارانہ تحقیقات کرکے ملزم کو قرار واقعی سزا کا مطالبہ کیا ہے۔
سوشل میڈیا پر وائرل ایک ویڈیو کلپ میں دیکھا جا سکتا ہے کہ ایک ورکشاپ میں مبینہ طور پر گیراج کا مالک اپنے پاس کام کرنے والے کم عمر لڑکے کو تشدد کا نشانہ بنا رہا ہے۔
ایکس پر کی گئی ایک پوسٹ کے ساتھ ایک ویڈیو بھی شیئر کی گئی ہے جس میں ورکشاپ کے اندر کا منظر دکھایا گیا ہے۔
ہر ادمی اپنی جگہ فرعون بنا ہوا ہے
اسلام آباد: ذرائع کے مطابق تھانہ سنبل کی حدود میں ایک ورکشاپ مالک کی جانب سے ننھے بچے پر تشدد کیے جانے کا افسوسناک واقعہ سامنے آیا ہے۔
ڈی ایس پی اسلام آباد، آئی جی پنجاب اور سی سی ڈی اس بےرحم کو پکڑ کر قانون کے کٹہرے میں لائے، اور سزا دے pic.twitter.com/i9qSDFiB89— Sheikh saira sahiba (@ChotiSheikhni) April 8, 2026
ویڈیو میں ایک مرد (ممکنہ طور پر ورکشاپ مالک) ریڈ ہائیڈرولک مشین کے پاس کھڑا ہے جبکہ ایک ننھا بچہ مرغا بنا ہوا نظر آ رہا ہے۔
اطلاعات کے مطابق بچے کو مبینہ طور پر بے رحمی کا نشانہ بنایا گیا جس پر مقامی حلقوں میں شدید تشویش پائی جا رہی ہے۔ شہریوں اور سماجی حلقوں نے اس واقعے کی سخت مذمت کرتے ہوئے ذمہ دار شخص کے خلاف فوری کارروائی کا مطالبہ کیا ہے۔
سوشل میڈیا صارفین نے ڈی ایس پی اسلام آباد، آئی جی پنجاب اور سی سی ڈی سے مطالبہ کیا گیا ہے کہ وہ اس بے رحم شخص کو فوری طور پر گرفتار کر کے قانون کے کٹہرے میں پیش کریں اور مناسب سزا دیں۔
نوٹ؛ یہ افسوسناک واقعہ سوشل میڈیا پر تیزی سے وائرل ہو رہا ہے۔ متعلقہ حکام سے فوری کارروائی کی اپیل کی جا رہی ہے تاکہ معصوم بچوں کے ساتھ ایسے ظلم کی روک تھام ہو سکے۔
