گوگل نیوز پر ہمیں فالو کریںہیٹی کے شمالی علاقے میں واقع مشہور تاریخی مقام سیٹاڈیل لا فریئر ایک تقریب کے دوران افسوسناک حادثے کا شکار ہو گیا جہاں اچانک بھگڈر مچنے سے درجنوں افراد جان کی بازی ہار گئے جبکہ بڑی تعداد میں لوگ زخمی ہیں جن کی حالت تشویشناک بتائی جا رہی ہے۔
ابتدائی اطلاعات کے مطابق واقعہ اس وقت پیش آیا جب قلعے میں جاری سالانہ تقریب کے دوران اچانک موسم خراب ہوا اور بارش شروع ہو گئی۔ اس صورتحال میں شرکاء کے درمیان افراتفری پھیل گئی اور ہجوم ایک دوسرے کو دھکیلتا ہوا باہر نکلنے کی کوشش کرنے لگا۔
Today, a look at how crowded the Citadelle Henry became, which later turned into a tragedy where many young Haitians lost their lives due to extreme overcrowding and difficulty breathing.
The Haitian government must take strong measures to ensure an incident like this never… pic.twitter.com/6VN0mJM2JN
— HaitiBoiii🇭🇹 (@haiti_boiii) April 12, 2026
عینی حکام کے مطابق رش اور دباؤ اس قدر زیادہ تھا کہ کئی افراد زمین پر گر گئے اور ان کے اوپر دوسروں کے قدم پڑتے رہے جس کے نتیجے میں ہلاکتیں ہوئیں۔ زخمیوں کو فوری طور پر قریبی اسپتالوں میں منتقل کیا گیا جہاں انہیں طبی امداد دی جا رہی ہے۔
Haiti 🇭🇹 – Cap-Haitien : Drame et décès
Ce samedi 11 avril 2026, un incident tragique est survenu à la Citadelle Laferrière, à Milot, lors d’une sortie touristique régionale réunissant de nombreux jeunes.
En effet, la foule étant trop nombreuse par rapport à l’environnement,… pic.twitter.com/jpWYIhI2jK
— Radio Télé Patriarche 101.1 FM (@PatriarcheRadio) April 12, 2026
سرکاری ذرائع کا کہنا ہے کہ یہ ایک بڑا سانحہ ہے اور خدشہ ظاہر کیا جا رہا ہے کہ اموات کی تعداد میں مزید اضافہ ہو سکتا ہے کیونکہ کئی زخمیوں کی حالت تشویشناک ہے۔
حکومت کی جانب سے متاثرہ افراد کے لیے فوری امدادی اقدامات شروع کر دیے گئے ہیں جبکہ قلعے کو عارضی طور پر بند کرکے واقعے کی مکمل تحقیقات کا آغاز کر دیا گیا ہے۔
وزیراعظم ایلکس ڈیڈیئر فلز ایمی کے دفتر کی جانب سے جاری بیان میں واقعے پر گہرے دکھ اور افسوس کا اظہار کیا گیا ہے۔ حکومتی اعلامیے کے مطابق تمام متعلقہ اداروں کو ہدایت دی گئی ہے کہ متاثرین اور ان کے اہل خانہ کو فوری امداد فراہم کی جائے۔
وزیر ثقافت و مواصلات ایمانوئیل مینارڈ کے مطابق صورتحال اس وقت خراب ہوئی جب کچھ افراد باہر نکلنے جبکہ دیگر اندر داخل ہونے کی کوشش کر رہے تھے۔ ان کا کہنا تھا کہ رش کے باعث لوگ ایک دوسرے پر گرنے لگے اور کئی افراد دوسروں کے نیچے دب کر جان سے ہاتھ دھو بیٹھے۔
سیٹاڈیل لا فریئر (Citadelle Laferrière) ہیٹی کی آزادی کے بعد تعمیر کیا گیا ایک تاریخی قلعہ ہے جو ملک کی خود مختاری اور نوآبادیاتی دور کے خلاف مزاحمت کی علامت سمجھا جاتا ہے۔ یہ مقام سیاحت کے لیے بھی مشہور ہے اور قومی شناخت میں اہم حیثیت رکھتا ہے۔
