گوگل نیوز پر ہمیں فالو کریںسابق چیئرمین نادرا طارق ملک کو عالمی سطح پر بڑا اعزاز حاصل ہوا ہے۔ اوکٹا کی جانب سے انہیں دنیا کے 25 نمایاں شناختی رہنماؤں میں شامل کیا گیا ہے۔ اوکٹا ایک معروف کلاؤڈ بیسڈ شناختی اور رسائی کے انتظام کا پلیٹ فارم ہے۔
اوکٹا کے مطابق ان شخصیات کا انتخاب ان کی سافٹ ویئر انوویشن میں خدمات، عالمی ڈیجیٹل معیارات کی بہتری اور محفوظ ڈیجیٹل نظاموں کی تشکیل میں کردار کی بنیاد پر کیا گیا ہے، جنہوں نے دنیا بھر میں ڈیجیٹل لین دین کو زیادہ آسان اور محفوظ بنایا ہے۔
رپورٹ میں کہا گیا ہے کہ آج کے دور میں یہ ماہرین ایسے نئے چیلنجز سے بھی نمٹ رہے ہیں جو مصنوعی ذہانت سے جڑے ہوئے ہیں، جیسے خودکار AI سسٹمز کی شناخت کی تصدیق اور AI کے ذریعے ہونے والے جدید فراڈ سے نمٹنا، جو بایومیٹرک سیکیورٹی کے لیے خطرہ بن چکا ہے۔
