اقوام متحدہ تنازعہ کشمیر کے حل سے متعلق اپنے وعدوں کو پورا کرے، صدر عارف علوی

اسلام آباد :صدر ڈاکٹر عارف علوی نے کہا ہے کہ مسئلہ کشمیر پر پوری پاکستانی قوم متحد ہے اور مسئلہ کشمیر کے لئے اپنی کوششیں جاری رکھے گی۔

عالمی برادری بھارت پر دباؤ ڈالے کہ وہ میڈیا کو غیرقانونی طور پر مقبوضہ جموں و کشمیر میں داخل ہونے کی اجازت دے ۔

مقبوضہ کشمیر کے عوام سے اظہار یکجہتی کیلئے منعقدہ یوم استحصال کے موقع پر ایک ریلی سے خطاب کرتے ہوئے صدر مملکت نے اقوام متحدہ سے مسئلہ کشمیر کے دیرینہ حل کے بارے میں اپنے وعدوں کو پورا کرنے کا مطالبہ کیا۔

مزید پڑھیں:بچوں کو قتل اور جوانوں کو لاپتہ کیا گیا، پاکستان ہمیشہ کشمیر کا ساتھ دے گا۔وزیرِ خارجہ

انہوں نے مزید کہا کہ کشمیریوں پر ظلم و ستم کے لئے ہندوستان اسرائیل کے نقش قدم پر چل رہا ہے۔کشمیریوں کو خود کو تنہا نہیں سمجھنا چاہئے کیونکہ پاکستان ان کے حق خودارادیت کے حق کے حصول کے لئے پرامن کوششیں جاری رکھے گا۔