گوگل نیوز پر ہمیں فالو کریںپاکستانی فلم انڈسٹری کی معروف اداکارہ مہوش حیات نے لاہور میں کار سوار خاتون کے ساتھ جنسی زیادتی کے واقعے پر ردِ عمل دیتے ہوئے کہا ہے کہ ذہنوں کو تبدیل کرنا ضروری ہے کیونکہ اگر ذہن تبدیل نہ ہوئے تو کچھ تبدیل نہیں ہوگا۔
سماجی رابطے کی ویب سائٹ ٹوئٹر پر گزشتہ روز اپنے پیغام میں پاکستانی اداکارہ مہوش حیات نے کہا کہ سنگا پور میں خواتین صبح کے قریب 4 بجے اکیلی پیدل چل کر گھر پہنچتی ہیں، یہاں سوال یہ ہے کہ وہ محفوظ کیسے رہتی ہیں اور ہم پاکستان میں اِس سطح کی سکیورٹی کیوں حاصل نہیں کرسکتے؟
پیغام میں ادکارہ مہوش حیات نے کہا کہ کیا ہم کسی مہذب معاشرے کا حصہ ہیں یا پھر کسی جنگل میں رہ رہے ہیں؟ جنسی زیادتی کے مجرموں کو سرِ عام پھانسی دینے سے کوئی مسئلہ حل نہیں ہوگا جب تک ذہن تبدیل نہیں ہوتے۔ ذہنوں کو تبدیل کرنے کیلئے طویل محنت درکار ہے۔
How come in Singapore women are safe to walk home alone even at 4am?Why can’t we have the same sense of security here?! Are we living in a civilised society or a jungle?Scream all you want abt #PublicHangingOfRapists -nothing will happen till the mindset changes!#motorwayincident https://t.co/Mfl4h8bfcN
— Mehwish Hayat TI (@MehwishHayat) September 10, 2020
یہ بھی پڑھیں: بھارتی مظالم سہنے والے کشمیریوں کو مہوش حیات کا سلام
