گوگل نیوز پر ہمیں فالو کریںموسم کا حال بتانے والے نے شہر قائد میں ابر رحمت برسنے کا امکان ظاہر کردیا، 5 مئی کی شام کو کراچی میں آندھی اور گرج چمک کے ساتھ بارش متوقع ہے۔
محکمہ موسمیات نے پیش گوئی کی ہے کہ کراچی میں 5 مئی کی شام سے تیز آندھی اور بارشوں کا سلسلہ شروع ہونے جا رہا ہے۔
محکمہ موسمیات نے مزید بتایا کہ 5 مئی کی شام کراچی میں شروع ہونے والا بارشوں کا سلسلہ ایک سے دو روز تک جاری رہے گا۔
محکمہ موسمیات کے مطابق کراچی کا موسم آج بھی گرم اور مرطوب رہے گا تاہم وقفے وقفے سے ہوائیں چلنے کا امکان ہے۔
کراچی میں درجہ حرارت 37 ڈگری سینٹی گریڈ تک ریکارڈ کیا جا سکتا ہے، شہر میں اس وقت جنوب مغربی سمت سے 12 کلو میٹر فی گھنٹہ کی رفتار سے ہوا چل رہی ہے جبکہ ہوا میں نمی کا تناسب 75 فیصد ہے۔
دوسری جانب ملک کے مختلف علاقوں میں آج بھی بادل برسنے کیلئے تیار ہیں، محکمہ موسمیات نے آئندہ چوبیس گھنٹے کے دوران،کوئٹہ، لاہور، اسلام آباد اور پشاور سمیت بیشتر علاقوں میں بارش کی پیشگوئی کی ہے۔
