گوگل نیوز پر ہمیں فالو کریںمشہور بالی ووڈ اداکار اور کاروباری شخصیت اجے دیوگن نے لگژری شراب بنانے والی کمپنی کارٹیل برادرز کے اشتراک سے ایک نئی پریمیم اسکاٹش وِسکی کا متعارف کروا دی جس کا نام “دی گلین جارنیز” رکھا گیا۔ اس کا خاص پائنیئر ایڈیشن ہائی لینڈ سنگل مالٹ اسکاچ ہے جو صرف 600 بوتلوں تک محدود ہے۔ یہ ایڈیشن دنیا بھر کے منتخب ٹریول ریٹیل اسٹورز پر دستیاب ہوگا خاص طور پر ان لوگوں کے لیے جو اعلیٰ درجے کی شرابوں کے شوقین اور جمع کرنے والے ہیں۔
یہ وِسکی اسکاٹ لینڈ کے خوبصورت ہائی لینڈ علاقوں میں تیار کی گئی ہے جہاں اسے خاص طور پر منتخب امریکن اوک کی بسکٹس میں 21 سال بنائی گئی ہے اس کی وجہ سے اس کا ذائقہ بہت گہرا اور دلچسپ بن جاتا ہے جس میں ونیلا کی میٹھی، پکے ہوئے پھلوں کی مہک اور ہلکی دھوئیں جیسی نوٹس محسوس ہوتی ہیں جبکہ اس میں الکحل کی مقدار 48 فیصد ہے جو اسے مزید اسٹرونگ بناتی ہے۔ بوتل کو ایک خوبصورت لکڑی کے باکس میں رکھا گیا ہے جس پر نفیس ڈیزائن اور کندہ کاری کی گئی ہے تاکہ یہ نہ صرف پینے بلکہ دیکھنے میں بھی شاندار لگے۔
اجے دیوگن نے اس لانچ کے موقع پر کہا کہ یہ پروجیکٹ ان کی زندگی کا ایک جذباتی سفر ہے جہاں ہر چیز کو بہترین معیار اور شوق کے ساتھ بنایا گیا ہے۔ کارٹیل برادرز کے شریک بانی موکش سانی نے بتایا کہ یہ وِسکی روایتی طریقوں کو جدید ذائقوں کے ساتھ ملاتی ہے جو عام شرابوں سے کہیں آگے ہے اور صارفین کو ایک نئی تجربہ دے گی۔
اس کے علاوہ برانڈ تین نئی اقسام بھی متعارف کر رہا ہے جس میں (نان ایج سٹیٹمنٹ): رم کاسک، بوربن کاسک اور شیری کاسک۔ یہ بھارت میں اگست سے دستیاب ہوں گی اور ان کی قیمتیں تقریباً 7,500 سے 9,000 روپے کے درمیان ہوں گی۔ یہ سیریز خاص طور پر بھارتی صارفین کی تبدیل ہوتی پسند کے مطابق تیار کی گئی ہے جہاں روایتی اسکاچ کو مقامی ذائقوں سے ملایا گیا ہے۔
کارٹیل برادرز جو پہلے دی گلین واک جیسی کامیاب وِسکی بنا چکی ہے اب بھارت کے 50 سے زیادہ شہروں میں موجود ہے اور مشرق وسطیٰ، آسٹریلیا، نیوزی لینڈ اور کینیڈا تک اپنا نیٹ ورک پھیلا رہی ہے۔
