گوگل نیوز پر ہمیں فالو کریںزلزلے دنیا کے سب سے خطرناک قدرتی آفات میں سے ہیں جو کسی بھی وقت بغیر کسی انتباہ کے آسکتے ہیں اور لوگوں کی زندگیوں کے لیے شدید خطرہ بن جاتے ہیں۔ اگرچہ زلزلے کی پیشگوئی کرنا ممکن نہیں لیکن گوگل کا اینڈرائیڈ زلزلہ الرٹس سسٹم صارفین کو چند سیکنڈ قبل اہم وارننگ دے سکتا ہے جو زیادہ تر صورتوں میں محفوظ جگہ منتقل ہونے، ڈھکنے یا خطرناک علاقوں سے دور جانے کے لیے کافی وقت فراہم کرتا ہے۔
یہ فیچر دنیا بھر میں 2021 میں متعارف کرایا گیا۔یہ سسٹم اینڈرائیڈ فونز میں موجود سینسرز کی مدد سے زلزلے کو حقیقی وقت میں خودکار طور پر شناخت کرتا ہے۔
گوگل کے مطابق اس سسٹم نے اب تک 2,000 سے زائد زلزلے پہچانے اور صارفین کو 790 ملین سے زیادہ وارننگز دی ہیں بعض اوقات 10 سے 60 سیکنڈ پہلے بھی شدید جھٹکوں کی اطلاع دے چکا ہے۔
سسٹم کیسے کام کرتا ہے؟
جب کسی علاقے میں زلزلہ آتا ہے تو فون میں موجود موشن سینسر پہلے پی-ویو (تیز لیکن کم نقصان دہ لہر) کو شناخت کرتے ہیں۔ یہ فون گوگل کے سرورز کو گمنام ڈیٹا بھیجتے ہیں جس میں زلزلے کا اندازاً مقام شامل ہوتا ہے۔
گوگل مختلف فونز سے موصولہ سگنلز کا تجزیہ کر کے زلزلے کی شدت اور مقام کی تصدیق کرتا ہے۔ اس کے بعد صارفین کو الرٹس بھیج دیے جاتے ہیں تاکہ ایس-ویو (سست لیکن زیادہ تباہ کن لہر) کے پہنچنے سے پہلے لوگ محفوظ ہو جائیں۔
الرٹس کی دو قسمیں ہیں:
Be Aware – ہلکی لرزش کے لیے اطلاع
Take Action – شدید جھٹکوں کے لیے جس کے ساتھ آواز اور فل اسکرین وارننگ بھی آتی ہے۔
صارفین کو وائی فائی یا موبائل ڈیٹا کی ضرورت ہوتی ہے اور انہیں اپنے فون کی لوکیشن اور Earthquake Alerts آن کرنی ہوتی ہیں۔ جو لوگ اطلاع نہیں چاہتے وہ اسے کسی بھی وقت بند بھی کر سکتے ہیں۔
Your Android phone can now detect earthquakes and help you get timely earthquake information on Google Search. Hear lead engineer, Marc Stogaitis, explain how the new detection system works. Learn more: https://t.co/0tYtYpRYfr pic.twitter.com/7uPeZJF1HZ
— Android (@Android) August 11, 2020
اینڈرائیڈ میں زلزلہ الرٹس کیسے فعال کریں؛
سیٹنگز ایپ کھولیں۔
Safety & Emergency → Earthquake Alerts میں جائیں
اگر وہاں نہ ملے تو: Location → Advanced → Earthquake Alerts
Earthquake Alerts کو آن کریں۔
Demo آپشن پر کلک کر کے آواز اور اسکرین پیغام کی جانچ کریں۔
