گوگل نیوز پر ہمیں فالو کریںپی ایس ایل 11 کے ایک میچ کے دوران قومی کرکٹ ٹیم کے سابق اوپنر اور کمنٹیٹر عامر سہیل نے کراچی پر نامناسب تبصرہ کردیا، جس پر سوشل میڈیا صارفین نے کڑی تنقید کرتے ہوئے شدید ردِ عمل دیا ہے۔
تفصیلات کے مطابق لاہور قلندرز اور کراچی کنگز کے مابین میچ پر تبصرہ کرتے ہوئے کمنٹیٹر عامر سہیل احمد نے کراچی میں پان کی پچکاری کا ذکر کرتے ہوئے اسے شہر کی پہچان کہہ دیا جسے سوشل میڈیا صارفین نے نامناسب اور توہین آمیز تبصرہ قرار دیا۔
پی سی بی نے میچ کے دوران کراچی اور لاہور کو خراجِ تحسین پیش کرنے والی خصوصی ویڈیو نشر کی، تاہم عامر سہیل نے تبصرہ کرتے ہوئے کہا کہ یہ ڈائریکٹر یہ دکھانا بھول گئے کہ کراچی میں سب سے زیادہ پان کی پچکاری دیکھنے کو ملتی ہے، وہ نہیں تو کراچی درست طریقے سے پیش نہیں کیاجارہا۔
سوشل میڈیا صارفین نے اس بات پر سخت ردِ عمل دیتے ہوئے کہا کہ کراچی نہ صرف پاکستان کا سب سے بڑا شہر بلکہ ملکی معیشت کی ریڑھ کی ہڈی ہے۔ جس کے متعلق عالمی سطح پر دیکھے جانے والے میچ کے دوران اتنا عمومی اور منفی تأثر درست نہیں۔
عماد یوسف کے مطابق پی ایس ایل میچ کے دوران کراچی کا مذاق اڑانا افسوسناک ہے، کراچی کو تمسخر کا نشانہ بنانے کی بجائے عزت و احترام دیا جائے خصوصاً وہ افراد احترام کریں جو عالمی سطح پر ملک کی نمائندگی کررہے ہیں۔
Mr Amir Sohail former cricketer, chief selector and commentator choosing to mock Karachi city on air during a Khi vs Lhr PSL match being watched globally is disappointing, to say the least.
Right after a positive PCB package celebrating both cities, he chose to bring up “pan… pic.twitter.com/tVg7uWlwC1
— Ammad Yousaf (@AmmadYousaf) April 23, 2026
ایک اور سوشل میڈیا صارف سید مجید کا کہنا ہے کہ عامر سہیل کمنٹری باکس میں بیٹھے تھے اور پوری دنیا ان کو سن رہی تھی، مقابلے کے نام پر آپ کچھ بھی بول دیتے ہیں۔
Amir Sohail your sitting in a commentary box being heard in the entire world.
Rivalry ke naam pe kuch bhi bol dete hu.@salnaseer l @MohsinnaqviC42 l #PSL11 pic.twitter.com/SrSISUnKaP
— Syed Majeed (@Cricket_Plus_US) April 24, 2026
