گوگل نیوز پر ہمیں فالو کریںمعروف پاکستانی اداکارہ حنا رضوی کی طبیعت اچانک بگڑ گئی، جس کے نتیجے میں اداکارہ کو ہسپتال منتقل کردیا گیا اور اب انتہائی نگہداشت کے وارڈ (آئی سی یو) میں اداکارہ کا علاج جاری ہے۔
تفصیلات کے مطابق اداکارہ حنا رضوی نے ہسپتال سے مختصر ویڈیو شیئر کرتے ہوئے مداحوں کو اپنی طبیعت ناساز ہونے کے متعلق آگہی دی۔ ویڈیو میں اداکارہ کو آکسیجن ماسک اور آئی وی لائنز کے ساتھ دیکھا جاسکتا ہے۔
حنا رضوی کی طبیعت ناسازی سے متعلق ویڈیو نے اداکارہ کے لاکھوں مداحوں اور ساتھی فنکاروں کو تشویش میں مبتلا کردیا۔ اس دوران اداکارہ نے ایک جذباتی پیغام کے ذریعے اپنے مداحوں کو صحت یابی کی دعا کرنے کی درخواست بھی کی۔
خیال رہے کہ حنا رضوی پاکستانی ٹیلی ویژن اور فلم انڈسٹری کی ایک معروف اداکارہ ہیں جو زیادہ تر معاون اور کردار نگاری پر مبنی کرداروں میں نظر آتی ہیں۔ وہ ایک ایسے خاندان سے تعلق رکھتی ہیں جس کا شوبز سے گہرا تعلق ہے، اور وہ معروف اداکارہ و ہدایتکارہ سنگیتا (پروین رضوی) کی بہن ہیں
ماضی قریب میں اداکارہ حنا رضوی نے مختلف اردو ڈرامہ سیریلز میں اپنی اداکاری کے جوہر دکھائے ہیں، جہاں وہ عموماً ایسے کرداروں میں نظر آتی ہیں جو جذباتی گہرائی اور حقیقت پسندی کا تقاضا کرتے ہیں۔اپنے کیریئر کے دوران ہینا رضوی نے خاص طور پر خاندانی اور سماجی موضوعات پر مبنی کہانیوں میں اپنی اداکاری کی صلاحیتوں کا لوہا منوایا۔
