حلیم عادل شیخ پر تشدد کے بعد عمران خان کا رد عمل سامنے آگیا

لاہور: پی ٹی آئی کے چیئرمین اور سابق وزیر اعظم عمران خان کا سندھ میں اپوزیشن لیڈر حلیم عادل شیخ پر تشدد کے بعد رد عمل سامنے آگیا ہے۔

سابق وزیراعظم عمران خان نے سماجی رابطے کی ویب سائٹ ٹویٹر پر اپنے ایک بیان میں لکھا کہ سندھ میں اپوزیشن لیڈر حلیم عادل شیخ پر ہونے والے شدید تشدد کی مذمت کرتا ہوں، انہوں نے کہا کہ پاکستان مجرموں کی گرفت میں ہے۔

Strongly condemn this torture against our Opposition leader in Sindh Haleem Adil Sheikh. Pakistan is in the grip of a bunch of criminals. These mafias know they will meet their political end in the elections InshaAllah; hence using every mafia type tactic to scare our people. pic.twitter.com/vblcdfYkX0

— Imran Khan (@ImranKhanPTI) August 30, 2022

تحریک انصاف کے سربراہ عمران خان نے کہا کہ ملک میں برسر اقتدار مافیا جانتا ہے کہ آئندہ انتخابات میں ان کا سیاسی کیریئر ختم ہو جائے گا، اسی وجہ کے باعث مافیا ہر قسم کا حربہ استعمال کر کے ہمارے لوگوں کو ڈرانے میں لگا ہوا ہے۔

مزید پڑھیں:خاتون جج کو دھمکانے کا کیس، عمران خان الفاظ واپس لینے پر آمادہ

واضح رہے کہ سندھ میں اپوزیشن لیڈر حلیم عادل اس وقت پولیس کی حراست میں ہیں، ان کی ایک ویڈیو وائرل ہوئی تھی جس میں وہ شدید تکلیف میں مبتلا نظر آئے۔