اکشے کمار کی خوفناک کامیڈی فلم بھوت بنگلہ ریلیز، آن لائن تلاش کیلئے رش لگ گیا

کہانی ارجن آچاریہ کے گرد گھومتی ہے، جو مالی مشکلات کا شکار شخص ہے جسے دور افتادہ قصبے منگل پور میں اپنے آبائی محل “آچاریہ نواس” کی وراثت ملتی ہے۔ اپنی قسمت بدلنے کی امید میں وہ حویلی میں اپنی بہن کی طویل عرصے سے مؤخر شادی منعقد کرنے کا فیصلہ کرتا ہے۔

تاہم قصبہ ایک پراسرار نحوست کے سائے میں ڈوبا ہوا ہے، جسے ارجن ابتدا میں توہم پرستی قرار دے کر نظر انداز کر دیتا ہے، لیکن رفتہ رفتہ اس نحوست کے سائے گہرے ہونے لگتے ہیں اور شادی کی تیاریاں شروع ہونے کے ساتھ ہی یہ نحوست ارجن آچاریہ کا گھیراؤ شروع کردیتی ہے۔

جوں ہی شادی کی تیاریاں شروع ہوتی ہیں، محل کے اندر عجیب اور بتدریج خوفناک واقعات پیش آنے لگتے ہیں، جس کے بعد ارجن کو اپنے خاندان کے ماضی سے منسلک خوفناک قوت کا سامنا کرنا پڑتا ہے۔ فلم میں مضبوط معاون کاسٹ بھی شامل ہے، جن میں پریش راول، تبو اور راج پال یادو کے نام نمایاں ہیں۔