گوگل نیوز پر ہمیں فالو کریںعالمی فلم میلے ریڈ سی میں شرکت کے دوران عالیہ بھٹ نے اپنی ذاتی اورپیشہ ورانہ زندگی سے منسلک موضوعات پر کھل کر گفتگو کی۔ ایک مداح کے اس سوال کاجواب دیتے ہوئے کہ کیا آپ پاکستان آئیں گی؟ عالیہ بھٹ نے سوشل میڈیا پر وائرل ہوجانے والا جواب دے دیا۔اس کے علاوہ بھی ریڈ سی فیسٹیول سے اداکارہ کی تصاویر اور ویڈیوز سوشل میڈیا پر وائرل ہورہی ہیں۔
تفصیلات کے مطابق اداکارہ عالیہ بھٹ دوسری بار ریڈ سی انٹرنیشنل فلم فیسٹیول میں شریک ہوئی ہیں۔ تقریب کے دوران اداکارہ نے کہا کہ میری بیٹی راہا اتنی بڑی ہوگئی ہے کہ اپنی ماں سے سوال کرتی ہے۔ انہوں نے ایک سیشن کے دوران مداحوں کو مختلف سوالات کے دلچسپ جوابات دئیے۔
View this post on Instagram
ایک سوال کے جواب میں اداکارہ نے کہا کہ سچائی اور ایمانداری آج میری اوؔلین ترجیحات ہیں۔ شائقین ہمیشہ حقیقی چیز سے ؟خود کو منسلک کرتے ہیں چاہے ان کے ردِ عمل مختلف ہی کیوں نہ ہوں۔ اسی دوران ایک پاکستانی مداح نے پوچھا کہ کیا آپ کبھی پاکستان بھی آئیں گی؟
View this post on Instagram
اداکارہ عالیہ بھٹ نے کہا کہ میں ہر اس جگہ جاؤں گی جہاں میرا کام مجھے لے جائے گا۔ اس مختصر جواب کو سوشل میڈیا صارفین نے بھرپور توجہ دی اور اب یہ تیزی سے وائرل ہوگیا ہے۔ پاکستانی سوشل میڈیا صارف کا کہنا تھا کہ عالیہ نے کتنی خوبصورتی سے ایک مشکل سوال کا جواب دیا ہے۔
View this post on Instagram
عالیہ بھٹ نے اپنی بیٹی راہا کا ذکر کرتے ہوئے کہا کہ راہا اتنی بڑی ہے کہ اب مجھ سے پوچھ سکتی ہے کہ میں کہاں جارہی ہوں، کب واپس آؤں گی۔ ماں بننے کے بعد میری ترجیحات بدل گئی ہیں اور سچائی میری زندگی میں سب سے اہم ہے۔ عالمی پروگرامز کی ہلچل ختم ہونے کے بعد میں اکثر پیزا کھاتی ہوئی نظر آؤں گی۔
View this post on Instagram
اس سے قبل ریڈ سی فلم فیسٹیول میں اداکارہ کو فلمی دنیا میں ان کی خدمات کے اعتراف میں گولڈن گلوب ہوریزن ایوارڈ سے بھی نوازا گیا۔ ریڈ سی کا عالمی فلم میلہ 4دسمبر کو شروع ہوا تھا جو 13دسمبر تک جاری رہے گا۔
