گوگل نیوز پر ہمیں فالو کریںبالی ووڈ کی معروف اداکارہ عالیہ بھٹ ان دنوں اٹلی کے شہر میلان میں جاری فیشن ویک میں شرکت کے باعث خبروں کی زینت بنی ہوئی ہیں۔ عالیہ کی فیشن ایونٹ میں شرکت کی تصاویر سوشل میڈیا پر تیزی سے وائرل ہوچکی ہیں۔
View this post on Instagram
بھارتی میڈیا کے مطابق میلان فیشن ویک کا آغاز 23 ستمبر سے ہوا تھا جو 29 ستمبر تک جاری رہے گا۔ اس ایونٹ میں دنیا بھر سے فلم، موسیقی اور فیشن انڈسٹری کے نمایاں چہرے شرکت کرتے ہیں۔ اس فیشن ویک کا مقصد عالمی سطح پر فیشن کے نئے رجحانات کو فروغ دینا ہوتا ہے۔
View this post on Instagram
عالیہ بھٹ جنہوں نے 2012 میں فلم اسٹوڈنٹ آف دی ایئر سے فلمی کیریئر کا آغاز کیا اب نہ صرف بالی ووڈ بلکہ بین الاقوامی سطح پر بھی اپنی پہچان بنا چکی ہیں۔ انہوں نے اڑتا پنجاب، گنگوبائی کاٹھیاواڑی اور ہائی وے جیسی فلموں میں اپنے اداکاری کے جوہر دکھا کر ناقدین سے داد سمیٹی ہے۔
View this post on Instagram
بھارتی میڈیا کا ماننا ہے کہ میلان فیشن ویک میں عالیہ بھٹ کی شرکت ان کی عالمی شناخت کو مزید مضبوط بنانے کا ذریعہ بنے گی۔ اس کے ساتھ ساتھ انہیں بین الاقوامی فلم اور فیشن انڈسٹری کی دیگر اہم شخصیات سے روابط قائم کرنے کا بھی موقع ملے گا۔
View this post on Instagram
عالیہ بھٹ کی خوبصورتی، فیشن سینس اور اعتماد نے ایک بار پھر ثابت کر دیا ہے کہ وہ نہ صرف ایک باصلاحیت اداکارہ ہیں بلکہ ایک عالمی فیشن آئیکون بھی بن چکی ہیں۔
View this post on Instagram
