گوگل نیوز پر ہمیں فالو کریںامریکی صحافی کیٹلن ڈورنبوس نے اسلام آباد کے حالیہ دورے کے دوران پاکستان کی مہمان نوازی اور کھانوں کی خوب تعریف کی جہاں وہ اسلام آباد ٹاکس میں شرکت کے لیے آئی تھیں۔ اپنے اس سفر کے دوران انہوں نے دارالحکومت کے ماحول اور لوگوں کے برتاؤ کو خاص طور پر قابلِ تعریف قرار دیا اور مجموعی تجربے کو نہایت مثبت انداز میں بیان کیا۔
اپنے قیام کے دوران انہوں نے سوشل میڈیا پلیٹ فارم ایکس پر متعدد پوسٹس شیئر کیں جن میں انہوں نے اسلام آباد میں گزارے گئے لمحات کی جھلک دکھائی۔ مقامی ثقافت سے متاثر ہو کر انہوں نے سرینا ہوٹل میں قیام کے دوران شلوار قمیض زیب تن کی جس سے ان کے پاکستانی روایات کے ساتھ لگاؤ کا اظہار بھی ہوا۔
Good morning from beautiful Islamabad, where the Pakistani people are buzzing with excitement at the possibility of playing a major role in bringing peace to the Middle East. No news yet on when talks will begin, but the coming hours will be crucial. pic.twitter.com/eLdaR86vxi
— Caitlin Doornbos (@CaitlinDoornbos) April 11, 2026
انہوں نے شہر کے مختلف تجربات کو سراہتے ہوئے اسلام آباد کے ایف-7 سیکٹر کے ایک ریسٹورنٹ سے لیے گئے کھانے کی تصویر بھی شیئر کی اور مقامی ذائقوں کی تعریف کی۔ ان کا کہنا تھا کہ انہیں یہاں جس انداز میں خوش آمدید کہا گیا وہ نہایت گرمجوش اور دل کو خوش کرنے والا تھا۔
Finally got out of the hotel sphere to have some local food! pic.twitter.com/IQTztyBsOD
— Caitlin Doornbos (@CaitlinDoornbos) April 12, 2026
بعد ازاں ان کی پوسٹس پر سوشل میڈیا صارفین کی جانب سے بھرپور ردِعمل سامنے آیا جہاں لوگوں نے انہیں پاکستان کی ثقافت کو مزید جاننے اور ملک کے پرامن پہلو کو اجاگر کرنے کی ترغیب دی۔ اسی دوران انہوں نے روایتی میٹھے حلوے کو بھی سراہتے ہوئے اسے اپنا نیا پسندیدہ شوق قرار دیا اور بتایا کہ پاکستان میں ناشتہ ان کا سب سے پسندیدہ کھانا بن چکا ہے کیونکہ یہاں کی مہمان نوازی دنیا بھر میں سب سے زیادہ متاثر کن لگی۔
My new guilty pleasure. pic.twitter.com/1c77wITcgA
— Caitlin Doornbos (@CaitlinDoornbos) April 13, 2026
ایک اور پوسٹ میں انہوں نے اسلام آباد کے خوبصورت مناظر بھی شیئر کیے اور شہر کی توانائی اور دلکشی کا ذکر کیا۔ انہوں نے امید ظاہر کی کہ پاکستان خطے میں امن کے فروغ کے لیے ایک مثبت اور تعمیری سفارتی کردار ادا کر سکتا ہے۔
