گوگل نیوز پر ہمیں فالو کریںگوجرانوالہ: پاکستان تحریک انصاف کے لانگ مارچ میں وزیر آباد کے مقام پر پی ٹی آئی چیئرمین پر فائرنگ کرنے والے ملزم نوید کا انسداد دہشتگردی کی عدالت نے مزید 13 روزہ جسمانی ریمانڈ دیدیا۔
ذرائع کے مطابق ملزم کو 12 روزہ جسمانی ریمانڈ ختم ہونے کے بعد عدالت میں پیش کیا گیا۔ملزم نوید کو انسداد دہشت گردی کی خصوصی عدالت میں سخت سکیورٹی حصار میں پیش کیا گیا۔
ڈپٹی ڈسٹرکٹ پبلک پراسیکیوٹر سلطان صلاح الدین ریاست کی جانب سے پیش ہوئے، اس دوران سکیورٹی کے سخت انتظامات کیے گئے تھے۔
انسداد خصوصی عدالت سے سماعت کے دوران پی ٹی آئی چیئرمین پر قاتلانہ حملہ کرنے والے ملزم نوید کی مزید 13 روزہ جسمانی ریمانڈ کی استدعا کی گئی جسے عدالت نے منظور کر لیا گیا۔
دوسری طرف ملزم نوید مہر کے خلاف وزیر آباد کے تھانہ سٹی میں ایک اور مقدمہ درج کر لیا گیا۔ یہ مقدمہ سرکار کی مدعیت میں درج کیا گیا۔ ملزم نوید کیخلاف ناجائز اسلحہ رکھنے پر بھی کیس رجسٹرڈ کیا گیا ہے۔
مزید پڑھیں:ارشد شریف کیس،ایف آئی اے ٹیم نے دبئی پولیس سے معلومات طلب کرلیں
یہ کیس پہلے کیس کے 22روز بعد رجسٹرڈ کیا گیا ہے، جسکے بعد نوید مہر کیخلاف مقدمات کی تعداد دو ہو گئی۔ ایک ہی تھانہ میں الگ الگ مقدمے درج ہو چکے ہیں۔
