گوگل نیوز پر ہمیں فالو کریںسندھ کے دور دراز ضلع عمرکوٹ میں ماچھی برادری (سولنگی برادری) کے ساتھ مبینہ پولیس زیادتی اور جبری بے دخلی کا واقعہ سامنے آیا ہے جس پر مقامی سطح پر شدید ردعمل اور احتجاج جاری ہے۔
مقامی ذرائع کے مطابق اراضی کے تنازع کے دوران پولیس نے سولنگی برادری کے گھروں میں داخل ہو کر خواتین اور کم عمر بچیوں کو گھسیٹ کر باہر نکالا۔ متاثرہ خاندانوں نے بتایا کہ اس کارروائی کے دوران چادر اور چار دیواری کی حرمت پامال کی گئی جس سے برادری کے افراد میں شدید خوف اور بے چینی پھیل گئی۔
صحافی کی گرفتاری اور مظاہرے
اس واقعے کی کوریج کرنے والے مقامی صحافی دلبر ڀيو کو بھی گرفتار کر لیا گیا جس کے بعد برادری کے خواتین اور نوجوان پریس کلب کے باہر احتجاج پر بیٹھ گئے ہیں۔ متاثرہ خواتین کھلے آسمان تلے مظاہرہ کر رہی ہیں جبکہ نوجوان بھی برادری کے حق میں دھرنے میں شریک ہیں۔
اندرون سندھ کے دور دراز علاقے عمرکوٹ میں مظلوم ماچھی برادری کی آواز بننے والے مقامی صحافی دلبر ڀيو کو گرفتار کرلیا گیا https://t.co/ox26njux2n pic.twitter.com/p49kCo0wOD
— Shahid Hussain (@ShahidHussainJM) February 27, 2026
سولنگی برادری کے نمائندوں نے اعلیٰ حکام سے مطالبہ کیا ہے کہ پولیس کارروائی کی شفاف تحقیقات کی جائیں، گرفتار صحافی کو رہا کیا جائے اور متاثرہ خاندانوں کے حقوق کی بحالی کے لیے فوری اقدامات کیے جائیں۔
احتجاج کے پیچھے پس منظر
ماچھی برادری کے مطابق بااثر افراد نے طاقت کے زور پر انہیں تقریباً صدی پرانی اپنی جائیدادوں سے بے دخل کر دیا جس سے برادری میں شدید صدمہ اور غصہ پایا جا رہا ہے۔ اس واقعے نے اندرون سندھ میں انسانی حقوق اور مقامی برادریوں کے تحفظ کے حوالے سے ایک سنگین مسئلہ کھڑا کر دیا ہے۔
مقامی رہنماؤں کا کہنا ہے کہ حکومت اور متعلقہ ادارے فوری اور مؤثر اقدامات کریں تاکہ شہریوں اور برادریوں کا اعتماد بحال ہو اور مزید زیادتیوں اور بے دخلیوں سے بچا جا سکے۔
