اے پی ایس حملے سے بچنے والا طالبِ علم آکسفورڈ یونیورسٹی کا یونین صدر منتخب

لندن: سانحہ اے پی ایس (آرمی پبلک اسکول پشاور) پر دہشت گردوں کے حملے سے زندہ بچ جانے والا طالبِ علم آکسفورڈ یونیورسٹی کا طلبہ یونین صدر منتخب ہوگیا۔ احمد نواز نے عہدۂ صدارت پر براجمان ہونے کو اپنی زندگی کا یادگار لمحہ قرار دے دیاہے۔

تفصیلات کے مطابق آرمی پبلک اسکول پر دسمبر 2014 میں دہشت گردوں نے حملہ کیا جس میں 148افراد جاں بحق جبکہ 114زخمی ہوئے۔احمد نواز ان طلبہ میں شامل تھے جو دہشت گردوں کے حملے میں زخمی ہونے کے باوجود زندہ بچنے میں کامیاب رہے۔

یہ بھی پڑھیں:

یوکرین تنازعہ، نیوزی لینڈ کا روس کے خلاف پابندیوں کے نفاذ کا اعلان

سماجی رابطے کی ویب سائٹ ٹوئٹر پر اپنے پیغام میں آکسفورڈ یونیورسٹی کے طالبِ علم احمد نواز نے کہا کہ میں یہ فخریہ اعلان کررہا ہوں کہ مجھے آکسفورڈ یونیورسٹی کی طلبہ یونین کا صدر منتخب کیا گیا ہے۔ 

Today is the most monumental & history making moment of my life!

I am so extremely proud to announce that I have been Elected President of the @OxfordUnion ✨One of world’s biggest & historical platforms!

I’m eternally grateful to everyone who supported me in this Journey…❤️ pic.twitter.com/R90si4FurP

— Ahmad Nawaz (@Ahmadnawazaps) March 6, 2022

یونین صدر کے طور پر اپنے انتخاب کو زندگی کا تاریخی لمحہ قرار دیتے ہوئے احمد نواز نے کہا کہ آکسفورڈ یونین دنیا کے بڑے اور تاریخی پلیٹ فارمز میں شامل ہے۔ ان تمام لوگوں کا شکریہ ادا کرتا ہوں جو اس سفر میں میرے ساتھ رہے۔

واضح رہے کہ برطانیہ کی آکسفورڈ یونیورسٹی میں پاکستان کے بڑے بڑے سیاستدانوں اور اعلیٰ ترین عہدوں پر فائز رہنے والے افراد نے تعلیم حاصل کی ہے جن میں لیاقت علی خان، حسین شہید سہروردی، وسیم سجاد اور بے نظیر بھٹو بھی شامل ہیں۔

آج سے 2 برس قبل اگست کے دوران احمد نواز کو برطانیہ کی آکسفورڈ یونیورسٹی میں داخلہ ملا جس پر اپنے ٹوئٹر پیغام میں ان کا کہنا تھا کہ میں تعلیم کا سلسلہ مزید جاری رکھنے کیلئے آکسفورڈ یونیورسٹی میں داخلہ حاصل کرچکا ہوں جس پر فخر ہے۔